Novaja zbornaja Rasii pa futbole budzie nabranaja z čystaha lista da 29 žniŭnia, paviedamiŭ žurnalistam ministr sportu RF Vital Mutko.
«U nas niama ni treniera, ni zbornaj, my pačynajem z čystaha lista, ale da 29 žniŭnia ŭ nas pavinna sabracca kamanda. Jość tyja, chto pavioŭ siabie nieprafiesijna, niapravilna, nie pakazaŭ addačy, ale jość tyja, chto dobra siabie pakazaŭ na čempijanacie Jeŭropy», — zajaviŭ Mutko.
Jon taksama dadaŭ, što troje z čatyroch kandydataŭ na pasadu hałoŭnaha treniera zbornaj Rasii dali zhodu zaniać hetuju pasadu.
«Kruh z čatyroch kandydataŭ pakul zastajecca. Try kandydaty dali svaju zhodu (adzin — ź niuansami), jašče adzin da kanca dnia sa mnoj vyjdzie na suviaź i skaža rašeńnie», — skazaŭ ministr.
Raniej paviedamlałasia, što kandydatami na pasadu hałoŭnaha treniera zbornaj źjaŭlajucca Kurban Bierdyjeŭ, Alaksandr Baradziuk, Siarhiej Siamak i Stanisłaŭ Čarčesaŭ.
Pazbaŭleny akredytacyi na Alimpijadu ŭ Brazilii Mutko taksama nie vyklučyŭ, što naviedaje Rya-de-Žaniejra ŭ pryvatnym paradku i nabudzie kvitok samastojna.
«Čamu b i nie? Kvitok mnie nichto nie zabaraniaje kupić», — skazaŭ Mutko.
25 lipienia Leanid Słucki pakinuŭ pasadu hałoŭnaha treniera zbornaj Rasii paśla niaŭdałaha vystupu kamandy na Jeŭra-2016, dzie rasijanie nie zmahli vyjści ŭ płej-of.
Kamientary