Usio bolš rasijan stavicca da prezidenta RF Uładzimira Pucina niejtralna ci abyjakava, pakazała apytańnie Lavada-centra, praviedzienaje da 17-j hadaviny prychodu Pucina da ŭłady.
Uładzimir Pucin staŭ premjeram-ministram Rasii 8 žniŭnia 1999 hodu, a zatym byŭ abrany prezidentam krainy.
Dola abyjakavych da prezidenta rasijan (17%) prykmietna vyrasła ŭ paraŭnańni z sakavikom 2015 h. — tady ŭ hetym pryznalisia ŭsiaho 10% apytanych.
Pry hetym svajho pika dola abyjakavych rasijan dasiahała ŭ sakaviku 2013 hoda, tady pakazčyk składaŭ 22%.
Samym papularnym adkazam na pytańnie pra staŭleńnie da Pucina staŭ «nie mahu skazać pra jaho ničoha drennaha» — jaho abraŭ 31% apytanych. U apošnija hady hety adkaz stabilna vybirajuć 29-31% rasijan.
Jašče 29% pryznalisia ŭ simpatyi da Pucina. U sakaviku 2015 hoda takich było 37%, a zatym ich dola pačała źnižacca. Zachaplajucca Pucinym 8% rasijan, ahidu da jaho adčuvaje 1% apytanych, a antypatyju — 2%.
78% apytanych zajavili pra toje, što jany daviarajuć prezidentu. Pry hetym 18% davieru da jaho nie adčuvajuć. Bolš za pałovu rasijan zajavili, što za minułyja 17 hadoŭ ich nadziei, źviazanyja z Pucinym, apraŭdalisia.
23% respandentaŭ zajavili, što nadziei nie apraŭdalisia. Pry hetym 15% apytanych zajavili, što jany nie źviazvali nijakich nadziej z prezidentam.
Hałoŭnym dasiahnieńniem Pucina ŭdzielniki apytańnia ličać «pavyšeńnie bajazdolnaści i reformu ŭzbrojenych sił». Taksama siarod dasiahnieńniaŭ rasijanie pieraličyli ŭmacavańnie mižnarodnych pazicyj krainy, ekanamičnaje raźvićcio i padtrymańnie spakojnaha palityčnaha stanovišča. 8% apytanych zajavili, što naohuł nie bačać nijakich dasiahnieńniaŭ Pucina.
Apytańnie było praviedzienaje ŭ kancy lipienia ŭ 137 nasielenych punktach u 48 rehijonach krainy. U im brali ŭdzieł 1,6 tysiač čałaviek.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary