Pieršy namieśnik staršyni ruchu «Za Svabodu» Juraś Hubarevič 8 žniŭnia zarehistravany kandydatam u deputaty Pałaty pradstaŭnikoŭ pa Kalinoŭskaj vybarčaj akruzie Minska № 108.
«Ja zarehistravany. Pačynajem mocnuju ahitacyjnuju kampaniju, jak tolki budzie zarehistravany vybarčy fond. U nas napieradzie ceły miesiac», — cytuje Hubareviča pres-słužba arhanizacyi.
Na dumku palityka, vybarščyki atrymajuć u jaho asobie «hodnuju alternatyvu praŭładnym kandydatam».
Hubarevič paviedamiŭ, što pa jahonaj akruzie dva ź siami pretendentaŭ nie byli zarehistravanyja kandydatami ŭ deputaty, u tym liku niezaležny kandydat Barys Lasun.
Jak paviedamlałasia raniej, 8 žniŭnia było admoŭlena ŭ rehistracyi kandydatam u deputaty namieśniku staršyni ruchu «Za Svabodu» Alesiu Łahvincu. «Vidavočna, što Aleś imknuŭsia da pieramohi i pravodziŭ jarkuju kampaniju padčas zboru podpisaŭ. Heta nie mahło nie napałochać vybarkam. Adbirajučy ŭ jaho mahčymaść dalejšaha ŭdziełu, ułada pazbaŭlajecca ad dosyć mocnaha pretendenta na pieramohu», — skazaŭ Hubarevič.
Jon taksama adznačyŭ, što čakaje rehistracyi inšych kandydataŭ, jakija ŭdzielničajuć u vybarach pry padtrymcy ruchu «Za Svabodu». «Bolšaść ź ich vyłučalisia šlacham zboru podpisaŭ, a značyć, pravodzili ŭ akruhach prykmietnyja kampanii, pracavali i ŭvieś čas razmaŭlali z vybarščykami», — zajaviŭ palityk.
Parłamienckija vybary adbuducca 11 vieraśnia.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary