Alesia Łahvinca, jaki zładziŭ kancert Volskaha, nie zarehistravali kandydatam u deputaty
U deputaty bałatujucca i žuk i žaba, ale akružnaja vybarčaja kamisija 8 žniŭnia admoviła ŭ rehistracyi kandydatam u deputaty pałaty pradstaŭnikoŭ namieśniku staršyni Ruchu «Za Svabodu» Alesiu Łahvincu.
Aleś Łahviniec mieŭ namier bałatavacca pa Sucharaŭskaj vybarčaj akruzie №101. Jon pravioŭ dastatkova jarkuju kampaniju pa zbory podpisaŭ, u jaje ramkach u Sucharavie z kancertam vystupiŭ Lavon Volski, a taksama pa rajonie raźjazdžaŭ aŭtamabil z nacyjanalnymi simvałami i partretam samoha Łahvinca. Taksama palityk pravioŭ pikiet na kalcavoj darozie.
«Admovili ŭ rehistracyi na padstavie dvuch papiaredžańniaŭ. Adno było vyniesienaje za ŭlotki z maim partretam, jakija paličyli za infarmacyjna-ahitacyjny materyjał. A druhoje, nibyta za podkup vybarščykaŭ. Tak acanili hazietu «Narodnaja vola», jakuju my razdavali», — kaža Łahviniec.
«Uvohule nastroj pazityŭny, choć nie buduć mučyć zhryzoty, ci zdymacca, ci nie zdymacca. Rehistravać mianie, vidavočna, nie było ŭ ich płanach. Heta całkam palityčnaje rašeńnie. Mnie zdajecca, nam atrymałasia pravieści zaŭvažnuju kampaniju, etapam zboru podpisaŭ treba, vidavočna, karystacca», — miarkuje namieśnik staršyni Rucha «Za Svabodu».
Łahviniec maje namier abskardzić rašeńnie akružnoj kamisii ab nierehistracyi.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary