U polskich haradach pa inicyjatyvie abjadnańnia prafsajuzaŭ «Salidarnaść» źbirajuć podpisy pad hramadskim zakonaprajektam ab abmiežavańni handlu pa niadzielach.
PAP/Andrzej Grygiel
Pres-sakratar «Salidarnaści» Marek Levandoŭski skazaŭ, što meta hetaj akcyi — źviarnuć uvahu na isnujučuju prablemu, padkreślivajučy, što ŭ zakonaprajekcie nie idzie havorka pra poŭnuju zabaronu handlu, a tolki pra jaje abmiežavańnie ŭ niadzielu.
U zakonaprajekcie ab abmiežavańni handlu jość šmat vyklučeńniaŭ. Płanujecca, što ŭ kancy tydnia buduć pracavać, naprykład, aŭtazapravačnyja stancyi, piakarni, kramy na vakzałach i ŭ aeraportach, a taksama hazietnyja šapiki. Buduć adkrytyja taksama maleńkija kramy, pry ŭmovie, kali za pryłaŭkam buduć stajać haspadary kramaŭ.
Taksama ŭ prajekcie ŭkazana, što ŭsie kramy buduć adkrytyja ŭ niadzieli pierad Kaladami i Vialikadniem.
Dla taho, kab zakonaprajekt byŭ razhledžany ŭ Siejmie, da kanca žniŭnia nieabchodna sabrać 100 tysiač podpisaŭ.
