У польскіх гарадах па ініцыятыве аб'яднання прафсаюзаў «Салідарнасць» збіраюць подпісы пад грамадскім законапраектам аб абмежаванні гандлю па нядзелях.
Прэс-сакратар «Салідарнасці» Марэк Левандоўскі сказаў, што мэта гэтай акцыі — звярнуць увагу на існуючую праблему, падкрэсліваючы, што ў законапраекце не ідзе гаворка пра поўную забарону гандлю, а толькі пра яе абмежаванне ў нядзелю.
У законапраекце аб абмежаванні гандлю ёсць шмат выключэнняў. Плануецца, што ў канцы тыдня будуць працаваць, напрыклад, аўтазаправачныя станцыі, пякарні, крамы на вакзалах і ў аэрапортах, а таксама газетныя шапікі. Будуць адкрытыя таксама маленькія крамы, пры ўмове, калі за прылаўкам будуць стаяць гаспадары крамаў.
Таксама ў праекце ўказана, што ўсе крамы будуць адкрытыя ў нядзелі перад Калядамі і Вялікаднем.
Для таго, каб законапраект быў разгледжаны ў Сейме, да канца жніўня неабходна сабраць 100 тысяч подпісаў.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары