Ministerstva enierhietyki Biełarusi nakiravała rasijskamu boku apaviaščeńnie ab rašeńni zamianić korpus reaktara Biełaruskaj AES, paviedamlaje pres-słužba ministerstva.
«Mižviedamasnaj kamisijaj pa ŭźviadzieńni atamnaj elektrastancyi ŭ Biełarusi pryniata rašeńnie ab zamienie korpusa reaktara na Biełaruskaj AES. Adpaviednaje apaviaščeńnie Ministerstva enierhietyki nakiravała rasijskamu boku», — skazana ŭ paviedamleńni.
11 žniŭnia ministr enierhietyki Uładzimir Patupčyk, znachodziačysia ź vizitam u Ciumieni (RF), zajaviŭ, što Minsk pryniaŭ rašeńnie zamianić korpus reaktara dla enierhabłoka BiełAEC. «Užo rašeńnie pryniata ab zamienie», — skazaŭ jon. Kažučy pra košt zamieny abstalavańnia, ministr adznačyŭ, što heta — pradmiet pieramoŭ z rasijskim bokam.
Pakolki aficyjnych zajaŭ ab zamienie korpusa rektara ŭ dziaržkarparacyju «Rasatam» nie pastupała, tam zajavili, što ličać zaŭčasnym kamientavać siońniašniaje vykazvańnie Patupčyka. U pres-słužbie hienpadradčyka budaŭnictva taksama ŭdakładnili, što subpadradnaja arhanizacyja — ZAT «Siezam», jakaja dapuściła ŭźniknieńnie niaštatnaj situacyi na placoŭcy pabudovy BiełAES, nie ŭvachodzić u strukturu dziaržkarparacyi «Rasatam».
