Arkadź Dobkin
U biełaruskim EPAM adbyŭsia sazvon z kiraŭnikom kampanii Arkadziem Dobkinym. Supracoŭniki z tryvohaj čakali hetaha mierapryjemstva paśla niespryjalnaj kvartalnaj spravazdačy, u jakoj raskazvałasia pra padzieńnie vyručki i ŭtrymlivaŭsia niehatyŭny prahnoz na hod.
Asnoŭnyja tezisy sazvonu z Dobkinym partału dev.by pierakazali supracoŭniki EPAM. Prezident kampanii raskazaŭ, što situacyja ŭ paraŭnańni z kancom minułaha hoda nie palepšyłasia. Adnak u toj ža čas jon i abnadzieiŭ ofis u Biełarusi.
Pa słovach Dobkina, čas ciapier z usich bakoŭ niepradkazalny. Byli nadziei na adnaŭleńnie makraekanamičnych pakazčykaŭ, adnak bujnyja klijenty skaračajuć vydatki. Adpaviedna pamianšajecca i popyt.
Pry hetym ź Biełarusi EPAM pa-raniejšamu sychodzić nie źbirajecca.
«Pra Biełaruś: padychod, jaki my ahučvali šmat razoŭ. Nijakaj stratehii z nahody sychodu niama. My praciahvajem pracavać.
Kali klijenty pačnuć budavać novyja sistemy i pačnuć mienš dumać pra skaračeńnie vydatkaŭ, pačniecca rost. Na žal, treba pačakać. I na siońniašni dzień ciažka kazać pra płany», — adznačyŭ Dobkin.
Padčas siesii pytańniaŭ i adkazaŭ pradprymalnik zajaviŭ, što skaračeńniaŭ u biełaruskim ofisie nie płanujecca. Pry hetym pierahlad zarobkaŭ u kampanii zamarožany na niavyznačany termin. EPAM praciahvaje pieranosić prajekty ŭ bolš tannyja rehijony — u krainy Łacinskaj Amieryki i Indyju. Ofisy tam buduć raści.
Rabotniki EPAM u Biełarusi raskazali partału, što sazvon ich padbadzioryŭ. Jany byli radyja pačuć, što kampanija nie źbirajecca zakryvać biełaruski ofis i što skaračeńniaŭ, padobnych da letašnich, nie płanujecca.
Vosieńniu 2023 hoda EPAM skaraciŭ 2% štatu ŭ Biełarusi, a taksama pravodziŭ kropkavyja skaračeńni.
Čytajcie taksama:
Amierykanskija inviestary pradajuć akcyi EPAM
Akcyi EPAM abvalilisia da antyrekordnych značeńniaŭ
U EPAM pakrysie skaračajecca vyručka i štat
Kolki padatkaŭ zapłacili ŭ biudžet Litvy firmy ź biełaruskimi karaniami
«Nie ŭsio tak błaha». Što budzie sa studentami-ajcišnikami ŭ EHU biez EPAM
EPAM raptoŭna vyjšaŭ z prahramy padrychtoŭki ajcišnikaŭ u EHU
