Isk u sud u dačynieńni da orhanaŭ unutranych spraŭ byŭ nakiravany 15 maja. A.Labiedźka zapatrabavaŭ abaviazać upraŭleńnie ŭnutranych spraŭ Centralnaha rajona Minska vyklučyć jaho z bazy źviestak nievyjaznych asob.
U intervju BiełaPAN A.Labiedźka paviedamiŭ, što sud navat nie pryniaŭ isk da razhladu.
«U ich adkazie zaznačajecca, što ja pavinien abskardzić rašeńnie milicyi ŭ Ministerstvie ŭnutranych spraŭ», — zaznačyŭ jon.
«Ja nie maju iluzij nakont stanoŭčaha razhladu hetaj spravy ŭ biełaruskich sudach. Adnak budu abskardžvać rašeńnie ŭ haradskim, Viarchoŭnym sudach. Heta nieabchodnaja pracedura, kab nakiravać skarhu ŭ Kamitet pa pravach čałavieka AAN», — zajaviŭ A.Labiedźka.
Nahadajem, A.Labiedźku admoŭlena ŭ vyjeździe za miežy Biełarusi na padstavie kryminalnaj spravy, raspačataj pa inicyjatyvie Hienieralnaj prakuratury ŭ 2004 hodzie. Palityka abvinavacili pa častcy 1 artykuła 367 Kryminalnaha kodeksa (paklop u dačynieńni da prezidenta Biełarusi) paśla jaho intervju prahramie «Lustra» (telekanał «Rośsija») i publikacyi ŭ haziecie «Narodnaja vola».