Alaksandr Łukašenka daručyŭ adnavić sistemu rajahraservisaŭ va ŭsich rajonach krainy. Adpaviednaje daručeńnie jon daŭ siońnia ŭ čas naviedvańnia AAT «Małaryckaja rajahrapramtechnika».
«Ni ŭ jakim razie nielha razburyć tuju infrastrukturu, jakaja kaliści była stvorana. My ich pavinny adradzić va ŭsich rajonach. Treba pašyrać śfieru pasłuh. I kali ŭ vas budzie narmalny košt i vy jakasna zrobicie, to da vas pryjdzie i pryvatnik», — skazaŭ kiraŭnik krainy.
Alaksandr Łukašenka padkreśliŭ, što takija arhanizacyi aryjentavany nie tolki na sielhaspradpryjemstvy, ale i na ŭvieś rajon u cełym, u tym liku fiermieraŭ, asobnych hramadzian. «Heta ŭ staršyni rajvykankama pavinna być mahutnaja pryłada kiravańnia», — skazaŭ kiraŭnik dziaržavy, havoračy pra rolu rajahrasiervisa. Jon taksama nahadaŭ, što raniej daručaŭ uznavić u rajonach budaŭničyja pierasoŭnyja miechanizavanyja kałony, kab maksimalna zadziejničać ich patencyjał u śfiery budaŭničych pasłuh.
Padčas naviedvańnia AAT «Małaryckaja rajahrapramtechnika» Alaksandr Łukašenka vykazaŭ niemałuju dolu krytyki z nahody vonkavaha vyhladu i načyńnia vytvorčych pamiaškańniaŭ.
Prybyŭšy na pradpryjemstva, kiraŭnik dziaržavy vyjaviŭ šmat u čym biezhaspadarčy padychod da spravy. «Da 1 studzienia tut pavinien być naviedzieny paradak!» — daručyŭ jon.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary