U bai z «ukrainskimi dyviersantami», jakija nibyta sprabavali prarvacca ŭ Krym, zahinuli padpałkoŭnik FSB Raman Kamienieŭ i desantnik-kantraktnik Siamion Syčoŭ. Novyja padrabiaznaści skandalnaj historyi ŭ sieradu apublikavała rasijskaja hazieta «Kommiersant».
Vydańnie spasyłajecca na nienazvanuju krynicu, znajomuju z chodam rasśledavańnia. Adznačajecca, što ŭ spravie ab hibieli siłavikoŭ niama abvinavačanych, pakolki zabojca padpałkoŭnika FSB moža być jak siarod zabitych «dyviersantaŭ», tak i siarod zatrymanych. Što da zabojcaŭ desantnika, dyk usie jany «ŭciakli na terytoryju Ukrainy».
Upieršyniu śćviardžajecca, što rasijskija siłaviki nie vypadkova vyjavili «ŭkrainskich dyviersantaŭ», a čakali ich. Jašče 6 žniŭnia jany atrymali apieratyŭnuju infarmacyju, što ŭ Krym pierakidvajecca hrupa «dyviersantaŭ». Padpałkoŭnik Kamienieŭ apynuŭsia na ich šlachu. Jon zahadaŭ nieviadomym zdać zbroju, ale tyja adkryli aŭtamatny ahoń i zabili rasijskaha aficera. Zahinuli i dvoje «dyviersantaŭ», jašče troje zatrymanyja i sprabujuć «zvalić vinu za hibiel aficera FSB adzin na adnaho».
Što da miechanika-kiroŭcy BMD 22-hadovaha jafrejtara Siamiona Syčova, dyk jon zahinuŭ u baju ź inšaj hrupaj «dyviersantaŭ» kala Sivaša. Jak piša «Kommiersant», desantnik paśmiarotna atrymaje orden Mužnaści, a aficer FSB — zvańnie Hieroja Rasii (paśmiarotna).
Ukrainski bok kateharyčna admaŭlaje ŭdzieł svaich siłavikoŭ u niejkich bajach u Krymie, nazyvaje ahučanuju rasijskuju viersiju pravakacyjaj. Śćviardžajecca, što zatrymanyja nie majuć nijakaha dačynieńnia da ŭkrainskich siłavych struktur. Maskva, jak viadoma, abvinavačvaje Kijeŭ u padrychtoŭcy sieryi teraktaŭ u Krymie.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ56
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1818
Kamientary