Žychar Minska Kasinieraŭ aštrafavany za pikiet u padtrymku Palijenki
Sud Centralnaha rajona Minska 18 žniŭnia razhledzieŭ administracyjnuju spravu Viačasłava Kasinierava.
Na jaho byŭ składzieny pratakoł pravaparušeńnia pa č.3 art. 23.34 KaAP za ŭdzieł u adnym ź pikietaŭ u padtrymku Dźmitryja Palijenki, jaki znachodzicca pad śledstvam u SIZA №1 na vulicy Vaładarskaha ŭ Minsku.
Śviedkami ŭ sudzie vystupajuć Taćciana Mastykina i Uładzimir Vaškievič.
Viačasłaŭ Kasinieraŭ patłumačyŭ sudu, što 29 lipienia jakraz spaŭniałasia 3 miesiacy z dnia razhonu zajezdu ravarystaŭ «Krytyčnaja masa» i mieŭsia adbycca čarhovy zajezd, adnak z-za niaspynnaha cisku na udzielnikaŭ ruchu, farmat mierapryjemstva kardynalna źmianiŭsia. Tady aktyvisty zładzili pikiet la Opiernaha teatra pad pilnym nahladam vialikaj kolkaści siłavikoŭ. U vyniku da Kasinierava padyšli supracoŭniki milicyi ŭ cyvilnym i zaprasili ŭ hości u RUUS. Kasinieraŭ patłumačyŭ, što takim čynam jon vykazvaŭ ułasnaje mierkavańnie.
Sudździa Taćciana Rak tłumačyć, što vykazvańnie ŭłasnaha mierkavańnia nie praduhledžana zakanadaŭstvam.
Sudździa vyniesła pastanovu ab pakarańni Kasinierava štrafam u pamiery 40 bazavych vieličyń - 840 rubloŭ novymi hrašyma.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary