Жыхар Мінска Касінераў аштрафаваны за пікет у падтрымку Паліенкі
Суд Цэнтральнага раёна Мінска 18 жніўня разгледзеў адміністрацыйную справу Вячаслава Касінерава.
На яго быў складзены пратакол правапарушэння па ч.3 арт. 23.34 КаАП за ўдзел у адным з пікетаў у падтрымку Дзмітрыя Паліенкі, які знаходзіцца пад следствам у СІЗА №1 на вуліцы Валадарскага ў Мінску.
Сведкамі ў судзе выступаюць Таццяна Мастыкіна і Уладзімір Вашкевіч.
Вячаслаў Касінераў патлумачыў суду, што 29 ліпеня якраз спаўнялася 3 месяцы з дня разгону заезду раварыстаў «Крытычная маса» і меўся адбыцца чарговы заезд, аднак з-за няспыннага ціску на удзельнікаў руху, фармат мерапрыемства кардынальна змяніўся. Тады актывісты зладзілі пікет ля Опернага тэатра пад пільным наглядам вялікай колькасці сілавікоў. У выніку да Касінерава падышлі супрацоўнікі міліцыі ў цывільным і запрасілі ў госці у РУУС. Касінераў патлумачыў, што такім чынам ён выказваў уласнае меркаванне.
Суддзя Таццяна Рак тлумачыць, што выказванне ўласнага меркавання не прадугледжана заканадаўствам.
Суддзя вынесла пастанову аб пакаранні Касінерава штрафам у памеры 40 базавых велічынь - 840 рублёў новымі грашыма.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары