NADA nie dapuściła na Alimpijadu biełaruskaha pretendenta na miedal u tekvando
Biełaruski tekvandyst Arman-Maršał Siła, jaki źjaŭlaŭsia pretendentam na miedal Alimpijady ŭ Rya, ale byŭ abvinavačany va ŭžyvańni mieldoniju, dakładna nie vystupić na Hulniach u Brazilii.
Nacyjanalnaje antydopinhavaje ahienctva (NADA) Biełarusi na svaim aficyjnym sajcie abviaściła, što dla Armana-Maršała Siły «ŭžyta časovaje adchileńnie ad udziełu ŭ lubych spabornictvach da zaviaršeńnia rasśledavańnia ŭ suviazi ź niespryjalnym analizam jaho dopinh-proby, uziataj u ramkach pieradalimpijskaha testavańnia».
«Takim čynam, spartsmien nie budzie brać udziełu ŭ XXXI letnich Alimpijskich hulniach. Spartsmien prainfarmavany ab fakcie mahčymaha parušeńnia antydopinhavych praviłaŭ i svaich pravach. Nacyjanalnaje antydopinhavaje ahienctva nie daje kamientaroŭ pa hetaj spravie da zaviaršeńnia rasśledavańnia i pryniaćcia rašeńnia ab najaŭnaści parušeńnia antydopinhavych praviłaŭ i nastupstvach», - havorycca ŭ paviedamleńni.
***
Pra toje, što pajezdka atleta na Alimpijadu pad pahrozaj, stała viadoma jašče 13 žniŭnia. Pryčynaj adchileńnia spartsmiena nazyvałasia najaŭnaść u dopinh-sprobie spartsmiena zabaronienaha rečyva mieldoniju. Pry hetym sama historyja akazałasia z detektyŭnym nalotam i atrymała cikavaje raźvićcio.
Kiraŭnictva Biełaruskaj fiederacyi tekvando nie tolki adrazu paśpiašałasia zapeŭnić u nievinavataści spartsmiena, ale i namiaknuła na padvodnyja płyni i padkopy niadobrazyčliŭcaŭ, jakija vyrašyli pieraškodzić pajezdcy tekvandysta na Alimpijadu. Pryčym, padobna, «vorahi», pra jakija zajaviła BTF, znachodziacca ŭnutry krainy.
Kamientary