Biełaruska Maryna Arzamasava vyjšła ŭ finał alimpijskaha zabiehu na 800 mietraŭ.
U trecim paŭfinale Arzamasava pakazała čaćviorty čas z vynikam 1.58,87, ale jaje čas byŭ dosyć chutkim, kab upeŭniena prabicca ŭ vyrašalny zabieh. Najchutčej prabiehła paŭdniovaafrykanka Kaster Siamienia, jakaja pakazała vynik 1.58,15.
Finalny zabieh na 800 mietraŭ projdzie ŭ noč na niadzielu (3.15).
Siońnia nočču prajšli finały ŭ kidańni kapja ŭ žančyn. Taćciana Chaładovič zaniała 5-je miesca.
A ŭ noč na subotu projdzie finał u kidańni mołatu, dzie vystupić naš Ivan Cichan.
Siońnia projduć kvalifikacyjnyja zajezdy bajdarak-čaćviorak u žančyn, dzie taksama vystupajuć biełaruski. Finał tut — u subotu ŭ 15:40. Viečaram suboty i niadzieli — finały pa mastackaj himnastycy.
U biełarusaŭ u Rya pakul šeść miedaloŭ: adzin załaty, try srebry i dźvie bronzy.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary