Elektronnaja čarha źjavicca ŭ punkcie propusku «Brest» z 1 vieraśnia

Sistema elektronnaj čarhi transpartnych srodkaŭ pačnie funkcyjanavać z 1 vieraśnia ŭ mižnarodnym aŭtadarožnym punkcie propusku «Brest», paviedamlaje Nacyjanalny pravavy internet-partał.

U ciapierašni čas supracoŭniki KUP «Pryhraničny servis» pracujuć va ŭzmocnienym režymie pa realizacyi dadzienaha prajekta ŭ adpaviednaści z ukazam ad 2 lipienia 2015 hoda №305 «Ab sistemie elektronnaj čarhi transpartnych srodkaŭ u punktach propusku». Paradak funkcyjanavańnia sistemy rehłamientujecca pastanovaj Savieta Ministraŭ ad 31 śniežnia 2015 hoda №1130.

Z 1 vieraśnia ŭvieś aŭtatranspart, jaki pierasiakaje Dziaržaŭnuju miažu ŭ punkcie propusku «Brest», budzie prachodzić praź sistemu elektronnaj čarhi. Płata budzie spahaniacca tolki ŭ vypadku braniravańnia času ŭjezdu ŭ punkt propusku z zony čakańnia.

Aŭtatranspart, jaki nie maje zabraniravanaha času, budzie ruchacca ŭ paradku žyvoj čarhi z toj tolki roźnicaj, što paśla ŭjezdu ŭ zonu čakańnia kožnaje transpartny srodak rehistrujecca apierataram i jaho dadzienyja — dziaržaŭny rehistracyjny numar i numar čarhi — buduć adlustroŭvacca na vialikim elektronnym tabło. U chutkim časie ekran zojmie pryznačanaje miesca i budzie bačny ź luboha punktu zony čakańnia. Vypusk z zony čakańnia dla prajezdu niepasredna ŭ punkt propusku praź Dziaržaŭnuju miažu budzie ažyćciaŭlacca ŭ paradku, ustanoŭlenym sistemaj elektronnaj čarhi.

Płanujecca, što ŭ testavym režymie sistema zapracuje z 26 žniŭnia. Kiroŭcam dla elektronnaha braniravańnia času ŭjezdu ŭ pamiežičny punkt propusku treba zarehistravacca zahadzia na sajcie belarusborder.by. Pry braniravańni času ŭjezdu ŭ punkt propusku važna mieć na ŭvazie, što sistema moža zarehistravać patencyjnaha klijenta nie raniej čym za 3 hadziny da mierkavanaha času pierasiačeńnia miažy. Z ulikam taho što prapusknaja mahčymaść pa elektronnym braniravańni składzie prykładna 20-25 aŭtamabilaŭ u hadzinu, pakłapacicca pra heta lepš zahadzia.

Transpartny srodak, jaki maje zabraniravany čas, zajazdžaje ŭ zonu čakańnia pa asobnym kanale i atrymlivaje svoj numar rehistracyi, jaki adlustroŭvajecca na vialikim i asobna na małym elektronnym tabło. Mały ekran taksama hatovy da ŭstaloŭki. Taki transpartny srodak pakidaje zonu čakańnia ŭ zabraniravany čas, ramki jakoha vyznačajucca pieryjadam u 1 hadzinu.

Kali mašyna zajechała ŭ zonu čakańnia zahadzia, joj daviadziecca čakać svajho času na raźmieščanaj tut ža stajancy. Tamu pryjazdžać zanadta rana nie varta.

U adpaviednaści z pastanovaj №1130 pamier płaty za braniravańnie času ŭjezdu transpartnych srodkaŭ u aŭtadarožnyja punkty propusku praź Dziaržaŭnuju miažu składaje: u pieradvychodnyja, pieradśviatočnyja i vychodnyja dni, dziaržaŭnyja śviaty abo śviatočnyja dni, jakija ŭstanoŭlenyja i abjaŭlenyja ŭ adpaviednaści z zakanadaŭstvam niepracoŭnymi, — 1 bazavuju vieličyniu; u inšyja dni — 0,8 bazavaj vieličyni.

• 0
• 0
• 0
• 0
• 0
• 0
• 0
• 0