Facebook abnaviŭ rubryku «Trending» (Papularnyja naviny) paśla paviedamleńniaŭ ab palityčnaj praduziataści pry vybary navin. U pres-słužbie kampanii zajavili, što zrabili rubryku bolš aŭtamatyzavanaj.
Ciapier Facebook daručyć robatam stvarać apisańnie navin, taksama karystalniki buduć bačyć kolkaść ludziej, jakija abmiarkoŭvajuć hetuju navinu. Meta Facebook, havorycca ŭ pres-relizie, zrabić rubryku zručnaj dla jak maha bolšaj kolkaści ludziej. «Heta składana, kali my budziem abahulniać temy ŭručnuju», — tłumačać u kampanii.
U mai 2016 hoda ŭ ZŠA byłyja supracoŭniki Facebook raspaviali vydańniu Gizmodo, što sacyjalnaja sietka štučna prasoŭvaje naviny na karyść libieralnaha łahiera ŭ škodu kansiervatyŭnaha. Paśla hetaha Facebook trapiła pad škvał krytyki ŭ ŚMI.
Paśla hetaha sienatar Džon Tun zapatrabavaŭ ad kampanii adkazać na abvinavačvańni. U pres-słužbie sacyjalnaj sietki tady rastłumačyli, što «nie vyjavili nijakich dokazaŭ sistematyčnaj palityčnaj praduziataści» pry farmiravańni rubryki Trending, a kansiervatyŭnyja i libieralnyja temy pradstaŭlenyja ŭ joj praktyčna adnolkava.
