U Hrodzienskim rajonie šukajuć dvaich padletkaŭ, jakija samavolna pakinuli internat u vioscy Parečča i miescaznachodžańnie jakich dahetul nie viadomaje. Pra heta paviedamili ŭ pres-słužbie UUS Hrodzienskaha abłvykankama.
«Haradzienskim RAUS adšukvajucca dvoje vychavancaŭ UA «Parečskaja dziaržaŭnaja dapamožnaja škoła-internat dla dziaciej-sirot i dziaciej, jakija zastalisia biez apieki baćkoŭ», jakija 26 žniŭnia kala 21 hadziny samavolna pakinuli internat. Miescaznachodžańnie ich da hetaha času nie viadomaje», — havorycca ŭ paviedamleńni pres-słužby UUS.
Milicyjaj adšukvajucca Dubik Dzianis Andrejevič 2000 hoda naradžeńnia i Lavicki Alaksandr Jurjevič 2001 hoda naradžeńnia. Na vyhlad pieršamu 15 hadoŭ, rost jaho kala 160 sm. Byŭ adziety ŭ čornuju majku, ciomna-sinija spartovyja štany i šeryja kiedy. Alaksandr Lavicki byŭ adziety ŭ zialonuju majku, śvietła-šeryja spartovyja štany i sinija kiedy ź biełymi pałoskami. Na vyhlad jamu taksama kala 15 hadoŭ, rost — kala 170 sm.
Kali vam viadomaja jakaja-niebudź infarmacyja pra miescaznachodžańnie chłopcaŭ, milicyja prosić paviedamić u Hrodzienski RAUS pa telefonach (8052) 797700, 797742, 797706 abo pa numary 102.
