Druhi fiestyval hastranamičnaj kultury «Tbilisoba Baržomi» z anšłaham prajšoŭ u Vierchnim horadzie stalicy ŭ subotu, 27 žniŭnia.
Pa ŭsioj terytoryi ŭžo kultavaha dla Minska miesca dla haściej byli padrychtavanyja roznyja konkursy, majstar-kłasy pa hruzinskaj kulinaryi, pieśni dy plaski, fud-korty z nacyjanalnaj hruzinskaj ježaj.
Taptańnie vinahradu. Z natoŭpu vykrykvajuć: «Davajcie chutčej, my ž biełarusy!»
Paśla taptańnia vinahradu dziaŭčyny ŭźniali hruzinski ściah. Ludzi acanili heta škvałam apładysmientaŭ.
Arhanizatary ŭstalavali śpiecyjalnaje miesca, dzie dzieci mahli pakarmić kozačak.
Na fiestyvali panavała siabroŭskaja atmaśfiera: hruziny pryznavalisia ŭ lubovi da biełarusaŭ, biełarusy adkazvali tym ža. A paśla razam rabili sełfi.
Hruzin z Batumi vučycca ŭ stalicy na miedyka. Kaža, što vielmi padabajucca biełarusy, a Minsk ličyć vielmi pryhožym horadam. Nieadnarazova padziakavaŭ za taki braterski fiestyval.
Fiestyval sabraŭ sapraŭdy vialikuju kolkaść ludziej. I heta adbiłasia na čerhach. Niehledziačy na toje, što na fiestyvali prysutničała kala dziasiatka pałatak ź ježaj, ludziam daviałosia doŭha čakać pierad tym, jak pakaštavać jakuju-niebudź hruzinskuju stravu.
Zatoje chapała miescaŭ, dzie možna było pajeści ci adpačyć pry žadańni.
Apafieozam fiestyvalu staŭ vystup papularnaha ŭ Hruzii hurta Kahaberi & Khanums. Ludzi śpiavali hruzinskija, ukrainskija i biełaruskija pieśni ŭsie razam. Darosłyja viedali słovy i śpiavali, a maładyja padchoplivali rytm i tančyli.
Ci byli Vy na fiestyvali? Jakija zastalisia ŭražańni? Vykazvajciesia ŭ kamientarach!