Prezident Brazilii Dyłma Rusief vystupić u paniadziełak u svaju abaronu na pracesie impičmientu na pasiadžeńni sienata i maje namier asabista adstojvać svaju nievinavataść. Pa rehłamiencie, joj budzie adviedziena paŭhadziny, adnak kiraŭnik Viarchoŭnaha suda Rykardu Levandoŭski, staršynia na pracesie, zajaviŭ, što ŭ vypadku nieabchodnaści hety čas moža być padoŭžany. Pytańni i vystupleńni sienataraŭ mohuć zaciahnucca na 20 hadzin.
Tolki paśla zakančeńnia ŭsich etapaŭ dyskusii sienatary raspačnuć hałasavańnie pa impičmiencie, adnak, sa słoŭ Levandoŭski, dakładny termin hetaj pracedury pakul nie viadomy. Ekśpierty adznačajuć, što heta moža adbycca jak 30, tak i 31 žniŭnia.
Usiaho svoj hołas pavinien addać 81 sienatar. Kali dźvie traciny ź ich (54 čałavieki) prahałasujuć za impičmient, to Rusief kančatkova stracić pasadu prezidenta i joj budzie zabaroniena na praciahu vaśmi hadoŭ zajmać jakija-niebudź dziaržaŭnyja pasady.
U advarotnym vypadku praces impičmentu spyniajecca, a prezident viartajecca na svaju pasadu.
Kamientary