Redaktarka časopisa, dzie biełaruskuju movu nazyvajuć babrynaj: «Abrazić movu my nie chacieli»
«Dapamažy chłopčyku zrazumieć babrania. Z dapamohaj słoŭnikaŭ pierakładzi słovy z ruskaj movy na biełaruskuju i naadvarot», — takoje zadańnie z dapamožnikaŭ dla treciakłaśnikaŭ niadaŭna apublikavała ŭ fejsbuku Taćciana Žarnasiek.
Jak my daviedalisia, takija zadačy drukuje časopis-dapamožnik «Otličnik», jaki vydajecca dziaržaŭnym vydaviectvam «Pačatkovaja škoła».
Momant pra kankretna «babrynuju movu» — z numara dla 3 kłasa ad 8 žniŭnia.
Ale heta nie adziny sprečny prykład. U toj ža sieryi dla 4 kłasa, biełaruskaj movaj prapanavana ździvić… kania.
«Z-za pavarotu na vas vylataje vieršnik na biełym koni. Tabie varta b schapić Rapuncel i skočyć u kusty! Ale ty viedaješ varyjant lepš: možna ździvić kania! Koń ździvicca, kali pačuje biełaruskuju movu», — havorycca ŭ padvodcy da zadańnia.
Babry, koni, złačyncy — voś nośbity movy ŭ hetym časopisu.
Čym abumoŭleny taki vybar? My spytali heta ŭ redaktarki «Otličnika» Paliny Bandarenki.
«Heta prosta dziciačy časopis», — skazała Palina.
«Tam ža ž niama zadačy pierakłaści z babrynaj movy i ŭ jakaści ŭzora pryviedziena biełaruskaja — tam nie napisana «pierakładzi ź biełaruskaj», — kaža redaktarka, abviarhajučy napisanaje.
Dziaŭčyna skazała, što zadačy dla časopisa składaje jana, ale pra babrynuju movu składała nie jana: maŭlaŭ, heta «aŭtarski» tekst.
«Vaźmicie inšyja našyja časopisy — u ich jość niejtralnyja momanty, kali vy dumajecie, što tut zadačy z movaj nie vielmi niejtralnyja. Ale davajcie budziem ščyrymi — bolšaść čytačoŭ kamunikujuć pa-rasiejsku», — tak jana adkazała na zaŭvahu, što biełaruskaj movy ŭ časopisie niašmat.
Soramu za «babrynuju movu» dziaŭčyna nie adčuvaje.
«Nie. Ja nie baču źniavahi, dziŭna, što vy za heta začapilisia, nijakich dumak abrazić movu ci vystavić jaje ŭ niehatyŭnym śviatle my nie mieli», — padsumavała Palina Bandarenka.
-
U Biełaruś prylacieŭ prezident Kuby
-
«Možam i ŭ futboł pahulać, i razam na šavuchu schadzić». Futbalist sa Słonima, jaki staŭ ksiandzom, raskazaŭ pra svajo žyćcio i pryncypy
-
«Uražańnie, što ty kasmanaŭt, jaki viarnuŭsia z dalokaha palotu». Były palitviazień Andrej Kuźniečyk raskazaŭ pra svaju resacyjalizacyju
Kamientary