Dadatkovyja vidy žyllova-kamunalnych pasłuh subsidavacca nie buduć, paviedamiŭ siońnia pieršy namieśnik ministra žyllova-kamunalnaj haspadarki Aleh Paskrobka ŭ čas pres-kanfierencyi ŭ pres-centry BIEŁTA.
«Subsidavacca buduć usie asnoŭnyja ŽKP plus pakryćcio zatrat na elektraenierhiju na ruch lifta, prybirańnie i aśviatleńnie miesc ahulnaha karystańnia. Nie buduć subsidavacca dadatkovyja vidy ŽKP, tyja pasłuhi, ad jakich čałaviek moža admovicca. Naprykład, absłuhoŭvańnie zaporna-pierahavornych ustrojstvaŭ, videanazirańnie», — adznačyŭ pieršy namieśnik ministra.
Aleh Paskrobka rastłumačyŭ, što suma pradastaŭlenaj subsidyi budzie paznačacca ŭ paviedamleńni.
«Da 1 kastryčnika forma paviedamleńnia budzie dapoŭniena radkom infarmacyi ab pradastaŭleńni žyllovaj subsidyi. Ludzi, jakija buduć atrymlivać subsidyi pa vyjaŭlalnym pryncypie, atrymajuć jašče paviedamleńni ab tym, što im pradastaŭlena subsidyja. Tam budzie navat prapisana prava admovy, inakš kažučy, čałaviek moža admovicca ad subsidyi», — raskazaŭ jon.
Adkazvajučy na pytańnie, ci budzie vydzialacca subsidyja pa vyjaŭlalnym pryncypie niepracujučamu piensijanieru, jaki žyvie razam z pracujučymi dziećmi, Aleh Paskrobka rastłumačyŭ, što nie. «Kali jość pracazdolny člen siamji, to heta ŭžo zajaŭny pryncyp, i budzie ŭličvacca sukupny dachod», — skazaŭ jon.
Bieznajaŭnyja žyllovyja subsidyi buduć pradastaŭlacca ŭ Biełarusi z 1 kastryčnika. Jany buduć raspaŭsiudžvacca na haračaje i chałodnaje vodazabieśpiačeńnie, vodaadviadzieńnie (kanalizacyju), haza- i elektrazabieśpiačeńnie, techničnaje absłuhoŭvańnie lifta, abychodžańnie ź ćviordymi kamunalnymi adchodami, sanitarnaje ŭtrymańnie dapamožnych pamiaškańniaŭ žyłoha doma, kapitalny ramont, a taksama raschody na elektraenierhiju dla aśviatleńnia padjezdaŭ i rabotu liftaŭ.
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary