Vieniesuelskaja apazicyja vyvieła na vulicy stalicy krainy Karakasa tysiačy ludziej, jakija patrabujuć refierendumu ab adstaŭcy prezidenta Nikałasa Madura.
AFP
Udzielniki akcyi adzietyja ŭ biełaje i trymajuć płakaty, jakija abviaščajuć «Čas pieramienaŭ». Akramia taho, demanstracyi zapłanavany i ŭ centry horada.
Apazicyja patrabuje chutčejšaha praviadzieńnia refierendumu, nakiravanaha na adstaŭku prezidenta Nikałasa Madura.
Vieniesueła znachodzicca ŭ hłybokim ekanamičnym kryzisie, pryčynaj jakoha praciŭniki Madura ličać jaho nieefiektyŭnuju palityku. Urad, u svaju čarhu, abvinavačvaje apazicyju ŭ sprobie takim čynam ździejśnić pieravarot u krainie.
«Kali jany niešta zadumali, płanujuć putč abo hvałt, to ŭrad daść niečakany i zrujnavalny adkaz», — skazaŭ Madura.
Prychilniki prezidenta ŭžo zajavili, što praviaduć akcyi ŭ adkaz. U adnym tolki rajonie Čakaa ŭ Karakasie 500 supracoŭnikaŭ palicyi buduć achoŭvać biaśpieku padčas akcyi pratestu apazicyi.
Akramia taho, niekalki apazicyjnych palitykaŭ byli zatrymanyja napiaredadni pačatku demanstracyi.
