Juryj Čyž z turmy pačaŭ raspradavać svaje znakavyja abjekty?
Za apošnija try miesiacy ŭ Miensku byli ździejśnienyja dźvie najbujniejšyja ździełki pa prodažy znakavych abjektaŭ, jakija naležać viadomamu biznesoŭcu Juryju Čyžu, jaki ciapier znachodzicca pad śledstvam.
Nahadajem, što pavodle apošnich źviestkach, jakija apublikavaŭ Śledčy kamitet, Juryju Čyžu inkryminavałasia naniasieńnie škody ŭ pamiery 238,7 młrd niedenaminavanych rubloŭ (kala 12 młn dalaraŭ). Mienavita na hetuju sumu biznesmien, i jašče piaciora jaho padručnych, jakija siońnia taksama znachodziacca pad vartaj, uchililisia ad vypłaty padatkaŭ i zboraŭ.
Košt praviedzienych ździełak z abjektami Juryja Čyža ŭ razy pieravyšaje inkryminavanuju jamu škodu. Heta moža aznačać, što biznesmien pradaje svaje abjekty nie tolki, kab pahasić škodu, ale, mahčyma, kab prasić prezidenta ab pamiłavańni. U takim vypadku, kamisija pa pamiłavańni pry prezidencie patrabuje akramia pahašeńnia škody jašče i kampiensacyju z kaeficyjentam ad 1,5 da 3. Heta značyć, što ad apalnaha biznesmiena mahli paprasić i 36 młn dalaraŭ za mahčymaść vyjści na svabodu. Mienavita hetym, napeŭna, tłumačycca aktyŭnaść davieranych asob Juryj Čyža pa prodažy znakavych abjektaŭ.
Tak, pavodle dadzienych Nacyjanalnaha kadastravaha ahienctva, u kancy lipienia Juryj Čyž pradaŭ za 40,4 młn rubloŭ (amal 21 młn dalaraŭ) handlovy centr ProStore na Kamiennahorskaj, 5 razam z hipiermarkietam «Prastor», jaki znachodziacca ŭ im.
Akramia taho, zafiksavanaja apieracyja z HC «Arena-Sici».
Pavodle dadzienych Nacyjanalnaha kadastravaha ahienctva, abjekt byŭ pradadzieny za 74,7 młn dalaraŭ.
Uvohule, pytańniaŭ pa hetym pahadnieńni vielmi šmat. Ale naŭrad ci na ich chtości zmoža adkazać, akramia samoha Juryja Čyža.
Čytajcie taksama: Kampanii Juryja Čyža pradali hipiermarkiet i handlovy centr za $104 miljona, stali viadomyja padrabiaznaści
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary