Martin Meissner, AP
Čempijon Alimpijskich hulniaŭ u Rya-de-Žaniejra amierykanski płyviec Rajan Łochte adchileny ad spabornictvaŭ na dziesiać miesiacaŭ, paviedamlaje USA Today sa spasyłkaj na krynicu. Takoje rašeńnie było pryniata z-za «pierabolšanaj» historyi ab rabavańni na aŭtazapraŭcy ŭ brazilskim horadzie.
Pakarańnie było vyniesiena sumiesna Nacyjanalnym alimpijskim kamitetam ZŠA i Asacyjacyjaj płavańnia ZŠA. Dyscyplinarnyja sankcyi taksama zakranuli jašče troch udzielnikaŭ incydentu - płyŭcoŭ Hunara Bientca, Džeka Konhiera i Džejmsa Fiejhiena, adnak ich dyskvalifikavali na mienšyja terminy.
Adchileńnie Łochtie skončycca 30 červienia 2017 hoda. Takim čynam, płyviec prapuścić čempijanat śvietu 2017 hoda, jaki adbudziecca ŭ lipieni ŭ Budapiešcie.
