Staršynia ŭčastkovaj kamisii - Hubareviču: Prahałasavała za vas! Daterminova
Staršynia ŭčastkovaj kamisii № 592 Žanna Ściapanava pry sustrečy z adnym ź lidaraŭ ruchu «Za Svabodu» Jurasiom Hubarevičam paviedamiła, što addała svoj hołas na parłamienckich vybarach za jaho.
Juraś Hubarevič pretenduje na deputackaje kresła pa vybarčaj akruzie № 108. Ale ranicaj u niadzielu jon pryjšoŭ razam z žonkaj na ŭčastak № 592, jaki adnosicca da akruhi № 107, kab prahałasavać za kandydata ad AHP Volhu Majoravu.
Učastak № 592 raźmiaściŭsia ŭ kalidory druhoha paviercha siaredniaj škoły.
Prahałasavaŭšy, adzin ź lidaraŭ ruchu «Za Svabodu» padyšoŭ da staršyni ŭčastkovaj kamisii Žanny Ściapanavaj.
- Ja za vas prahałasavała! - paviedamiła jana. Akazałasia, što staršynia ŭčastkovaj kamisii pražyvaje ŭ susiedniaj vybarčaj akruzie №108.
— Prabačcie, ale vy i mužčyna pryhožy, — dadała Žanna Ściapanava.
— Daterminova za mianie prahałasavali? — pacikaviŭsia Juraś Hubarevič.
— Tak, siońnia ž tut pracuju.
Paśla pytańnia palityka, dzie buduć znachodzicca naziralniki pry padliku hałasoŭ, staršynia kamisii pakazała jamu školny kłas, dzie ŭviečary budzie pravodzicca pracedura. Pavodle jaje słoŭ, naziralniki buduć znachodzicca za stałom dla nastaŭnikaŭ i atrymajuć dobry ahlad.
Na pytańnie, čamu vybarčy ŭčastak raźmiaścili ŭ niazručnym kalidory, Žanna Ściapanava adkazała, što być u inšym miescy im nie dazvolili.
Tym časam bufiet na trecim paviersie škoły pustavaŭ.
- Na našych vybarčych učastkach hałoŭnaje miesca - nie kabinki dla hałasavańnia, a stały, dzie možna vypić i zakusić, - prakamientavaŭ situacyju Juraś Hubarevič.
Kamientary