Piśmieńnik, vidny pradstaŭnik savieckaha humanizmu skanaŭ 10 červienia ŭ Niamieččynie. Jamu išoŭ 80-y hod.
10 červienia na 80-m hodzie žyćcia ŭ adnoj ź niamieckich klinik pamior piśmieńnik Čynhiz Ajtmataŭ, klasyk rasiejskaj i kyrhyzskaj litaratury. Apošnija hady jon byŭ pasłom Kyrhyzstana ŭ Francyi i Belhii, ale za try miesiacy da śmierci pakinuŭ hetuju pasadu.
Ramany i apovieści Ajtmatava byli dobra viadomyja za savieckim časam. Mnohija začytvalisia jahonymi «Byvaj, Hulsary», «Biełym parachodam», «Burannym paŭstankam», «Płachaj». Peŭny čas mienavita Ajtmataŭ byŭ redaktaram časopisu «Inostrannaja litieratura».
Ajtmataŭ, syn represavanaha ŭ 1937 hodzie «voraha narodu», da apošniaha zastavaŭsia piśmieńnikam-humanistam. Mienavita temy čałavieka, jaho dušy, pačućciaŭ, sumleńnia zastavalisia centralnymi ŭ tvorach piśmieńnika. «Ja ŭvohule adčuvaju žyćcio jak trahiedyju. Z žyćcieśćviardžalnym finałam», — ckazaŭ u adnoj z hutarak Ajtmataŭ.
Na biełaruskuju movu jaho tvory pierakładali I. Sakałoŭski, S. Michalčuk, M. Stralcoŭ.
-
Illa Šynkarenka: Prosta pryjšoŭ i skazaŭ baćkam, što ciapier razmaŭlaju na biełaruskaj movie
-
Biełaruskija litaratary siońnia ŭ Dzień rodnaj movy praviaduć dyktoŭki
-
«Ździek z tvora Uładzimira Siamionaviča». Hledačy ŭ šoku ad premjer pa Karatkieviču ŭ RTBD i Homielskim moładzievym teatry, nie ŭsie dasiedžvajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary