 |
Pieršymi dźvie pieramohi na Eŭra – 2008 atrymali partuhalcy. Kamanda Filipie Skałary ŭ viasiołaj i zadornaj hulni pieramahła čechaŭ.
Užo na 8-aj chvilinie Deku skarystaŭsia nieraźbiarychaj u štrafnoj českaj kamandy i adkryŭ lik. Ale ŭžo na siamnaccataj chvilinie hulni najbolš aktyŭny čech Libar Śjonka paśla rozyhryšu vuhłavoha adnaviŭ raŭnavahu – 1:1.
U druhim partuhalcy atakavali bolš, ale doŭhi čas nie mahli zabić. Kuraž złaviŭ rasstrojeny pieršym uziaćciem jahonych varot Pieter Čech. U taki momant vyrašalnym stałasia indyvidualnaje majsterstva.
Na 63-jaj chvilinie hulni adzin z najlepšych hulcoŭ sezonu Kryštyjanu Ranałdu ŭsio ž vyvieŭ svaju kamandu napierad – 2:1. Čechi pabiehli adyhryvacca, navat vypuścili na pole veterana Jana Kolera, ale nie dapamahło. A na pieršaj dadanaj arbitram chvilinie Rykardu Kvarešma źniaŭ usie pytańni pra pieramožcu – 3:1.
***
Pozna ŭviečary skončyŭsia jašče druhi matč hulniavoha dnia ŭ hrupie "A". Sustrakalisia zbornyja Švajcaryi i Turcyi.
Švajcarcy pieršymi zabili hoł – vyznačyŭsia Chakan Jakin, ale ŭtrymać pieramohu – a potym ničyju – nia zdoleli. U turak vyznačylisia Semich Šenciurk z "Fenerbachče", a pry kancy matču -- Arda Turan. Hety maładzion hulaje za "Hałatasaraj".
Takim čynam paśla druhoha turu turnirnaje stanovišča nastupnaje: Partuhalija – 6, Čechija i Turcyja – pa 3, Švajcaryja – 0.
Partuhalija zavajavała pucioŭku ŭ čverćfinał, pryčym traplaje tudy ź pieršaha miesca: h,zn. zhulaje z druhoj kamandaj hrupy “V”.
Švajcaryja straciła ŭsie šancy na vychad u dalejšy raŭnd.
Druhaja pucioŭka ŭ čverćfinał vyznačycca ŭ vočnym pajadynku Čechija i Turcyja, što projdzie ŭ niadzielu, 15 červienia (pačatak a 21:45).
Pikantnaść hetaha matču ŭ tym, što kamandy majuć nia tolki adnolkavuju kolkaść bałaŭ, ale i roznaść miačoŭ: 2:3. Tamu zhodna z rehlamentam u vypadku ničyi ŭ hetym matčy, buduć prabivacca pa skančeńni asnoŭnaha času penalci!
***
U čaćvier druhi tur projdzie ŭ hrupie "B". A 19-j pačniecca matč Niamieččyna - Charvatyja, ŭ 21:45 na pole vyjduć niaŭdačniki pieršaha turu: palaki i aŭstryjcy. Niechta ź ich moža i stać druhim niaŭdačnikam turniru.
