Вызначыўся першы чвэрцьфіналіст, а таксама першы няўдачнік Эўра-2008
Пуцёўку ў 1/4 фіналу заваявала зборная Партугаліі. А Швайцарыя магла б адпраўляцца дахаты, каб ... не была гаспадыняй турніру.
Першымі дзьве перамогі на Эўра – 2008 атрымалі партугальцы. Каманда Філіпе Скалары ў вясёлай і задорнай гульні перамагла чэхаў.
Ужо на 8-ай хвіліне Дэку скарыстаўся неразьбярыхай у штрафной чэскай каманды і адкрыў лік. Але ўжо на сямнаццатай хвіліне гульні найбольш актыўны чэх Лібар Сьёнка пасьля розыгрышу вуглавога аднавіў раўнавагу – 1:1.
У другім партугальцы атакавалі больш, але доўгі час не маглі забіць. Кураж злавіў расстроены першым узяцьцем ягоных варот Петэр Чэх. У такі момант вырашальным сталася індывідуальнае майстэрства.
На 63-яй хвіліне гульні адзін з найлепшых гульцоў сэзону Крыштыяну Раналду ўсё ж вывеў сваю каманду наперад – 2:1. Чэхі пабеглі адыгрывацца, нават выпусьцілі на поле вэтэрана Яна Колера, але не дапамагло. А на першай даданай арбітрам хвіліне Рыкарду Кварэшма зьняў усе пытаньні пра пераможцу – 3:1.
***
Позна ўвечары скончыўся яшчэ другі матч гульнявога дня ў групе "A". Сустракаліся зборныя Швайцарыі і Турцыі.
Швайцарцы першымі забілі гол – вызначыўся Хакан Якін, але ўтрымаць перамогу – а потым нічыю – ня здолелі. У турак вызначыліся Сэміх Шэнцюрк з "Фэнэрбахчэ", а пры канцы матчу -- Арда Туран. Гэты маладзён гуляе за "Галатасарай".
Такім чынам пасьля другога туру турнірнае становішча наступнае: Партугалія – 6, Чэхія і Турцыя – па 3, Швайцарыя – 0.
Партугалія заваявала пуцёўку ў чвэрцьфінал, прычым трапляе туды зь першага месца: г,зн. згуляе з другой камандай групы “В”.
Швайцарыя страціла ўсе шанцы на выхад у далейшы раўнд.
Другая пуцёўка ў чвэрцьфінал вызначыцца ў вочным паядынку Чэхія і Турцыя, што пройдзе ў нядзелю, 15 чэрвеня (пачатак а 21:45).
Пікантнасьць гэтага матчу ў тым, што каманды маюць ня толькі аднолькавую колькасьць балаў, але і рознасьць мячоў: 2:3. Таму згодна з рэглямэнтам у выпадку нічыі ў гэтым матчы, будуць прабівацца па сканчэньні асноўнага часу пэнальці!
***
У чацьвер другі тур пройдзе ў групе "B". А 19-й пачнецца матч Нямеччына - Харватыя, ў 21:45 на поле выйдуць няўдачнікі першага туру: палякі і аўстрыйцы. Нехта зь іх можа і стаць другім няўдачнікам турніру.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары