U Kamitecie dziaržaŭnaj biaśpieki paćvierdzili infarmacyju ab tym, što biznesoŭcu Juryju Čyžu źmienienaja miera strymańnia.

U KDB adznačyli, što ŭ dziaržavie isnuje adziny padychod da rasśledavańnia finansavych złačynstvaŭ niezaležna ad asoby čałavieka. Kali abvinavačany vinu pryznaŭ i kampiensavaŭ škodu, to adpadaje nieabchodnaść jaho dalejšaha ŭtrymańnia pad vartaj.
«Usie rašeńni pa hetaj kryminalnaj spravie pryniaty ŭ strohaj adpaviednaści z č.1 art. 88 (vyzvaleńnie ad kryminalnaj adkaznaści ŭ suviazi ź dziejnym raskajańniem) Kryminalnaha kodeksa Biełarusi», — paviedamiŭ tut.by kiraŭnik pres-słužby KDB Biełarusi Dźmitryj Pabiaržyn.
Nahadajem, napiaredadni stała viadoma, što adzin z najbahaciejšych ludziej u krainie Juryj Čyž vyjšaŭ ź SIZA KDB i navat užo paśpieŭ paparycca ŭ łaźni. Žurnalisty daviedalisia pra heta na dzień paźniej: sam biźniesmien paćvierdziŭ, što jaho vypuścili 14 vieraśnia pad padpisku ab niavyjeździe.
***
11 vieraśnia Alaksandr Łukašenka skazaŭ, što «sprava Čyža» znachodzicca na kantroli ŭ prezidenta. «I nie tolki tamu, što jon bujny biźniesmien. Jon niedaloka časam byŭ ad prezidenta … Mnohija asacyjavali jaho pavodziny ź imiem prezidenta. Mnie heta nieabyjakava, ščyra kažu», - pryznaŭsia Łukašenka. Razam z tym jon paviedamiŭ, što biznesoŭcu ŭžo pradjaŭlenyja abvinavačvańni i Čyž hatovy pakryć škodu, jakaja składaje «12 ci 13 miljonaŭ».
U SIZA biznesmen znachodziŭsia z sakavika 2016 hoda. Razam ź im tudy trapili jašče piać čałaviek, jakija padazrajucca va ŭchileńni ad vypłaty padatkaŭ i zboraŭ u asabliva bujnym pamiery. Darečy, 23 žniŭnia na volu vyjšaŭ i šmathadovy partnior Čyža pa biźniesie Uładzimir Japryncaŭ.
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary