U Kanadzie pamior piśmieńnik Uiljam Patryk Kinseła, pavodle apovieści jakoha «Basanohi Džo» ŭ 1989 hodzie byŭ źniaty film «Pole jaho mary». Kinseła, dobraachvotna pajšoŭ z žyćcia z dapamohaj eŭtanazii, byŭ aŭtaram kala 30 tvoraŭ. Piśmieńniku byŭ 81 hod.
Amal usie jaho pracy byli pryśviečany biejsbołu albo apisvali žyćcio karennaha nasielnictva Kanady. Pieršaja kniha Kinseła, «Tancuj sa mnoj na vulicy», vyjšła ŭ 1977 hodzie. Apovied u joj viadziecca ad asoby maładoha indziejca, jaki žyvie ŭ sučasnaj Kanadzie.
Samaj viadomaj pracaj Kinseła stała kniha, pryśviečanaja biejsbołu, pa jakoj ŭ 1989 hodzie byŭ źniaty film «Pole cudaŭ». Pavodle siužeta knihi, fiermier z Ajovy čuje hałasy, što zahadvajuć jamu pabudavać na svaim poli biejsbolny stadyjon, na jakim pačynajuć hulać pryvidy znakamitych hulcoŭ.
Pa słovach ahienta Kinseła Keralin Suejzi, piśmieńnik vyrašyŭ syści z žyćcia pry dapamozie eŭtanazii, jakuju kanadski parłamient lehalizavaŭ u červieni hetaha hoda.
Skarystacca pravam na eŭtanaziju ŭ Kanadzie mohuć tolki jaje hramadzianie i tolki psichična zdarovyja ludzi starejšyja za 18 hadoŭ, jakija pakutujuć ad nievylečnych chvarob abo atrymali kalectvy, ad jakich nieminuča pryjdzie śmierć.
Kamientary