Staršynia praŭleńnia Nacyjanalnaha banka Biełarusi Raman Hałoŭčanka pa vynikach dakładu Łukašenku zajaviŭ, što kredytavańnie nasielnictva pavinna być pad kantrolem, kab paźbiehnuć zališniaj zapazyčanaści hramadzian i skiravać asnoŭny patok spažyvieckich kredytaŭ na nabyćcio tavaraŭ i pasłuh ajčynnaj vytvorčaści.
Pavodle słoŭ Hałoŭčanki, za apošnija paŭhoda abjom kredytaŭ na biełaruskija tavary vyras prykładna na 35%.
Nacbank raniej vykazvaŭ zaniepakojenaść chutkimi tempami rostu spažyvieckaha kredytavańnia, bo heta moža stvaryć pahrozu finansavaj i cenavaj stabilnaści, a taksama adciahnuć srodki ad finansavańnia biznesu.
Što da staŭki refinansavańnia (ciapier jana składaje 9,75% hadavych), to Raman Hałoŭčanka adznačyŭ, što jana zastajecca aktualnaj i pryčyn dla jaje pavyšeńnia niama. Naadvarot, mahčymaje navat źnižeńnie, ale Nacbank budzie sačyć za situacyjaj i pry nieabchodnaści prymać miery.
Jon taksama padkreśliŭ, što ŭ ekanomicy ciapier dastatkova hrošaj dla inviestycyj i raźvićcia, a śpiecyjalisty Nacbanka majuć usie nieabchodnyja instrumienty dla svoječasovaha reahavańnia na źmieny.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary