Sacyjalnaja sietka «Ukantakcie» zapuskaje hrašovyja pieravody. Pra heta ŭsim karystalnikam papularnaha ŭ SND resursu paviedamili kamanda elektronnaj kamiercyi.
Ciapier u kožnaha karystalnika budzie mahčymaść adpraŭlać hrošy praz paviedamleńni, vykarystoŭvajučy bankaŭskuju kartku. Servis pracuje ŭ dyjałohach na sajcie i ŭ mabilnych prahramach dla Android i Windows Phone. Uładalnikam iPhone adpraŭka pieravodaŭ stanie dastupnaja razam ź bližejšym abnaŭleńniem aplikacyi, a atrymańnie pieravodaŭ dastupnaje ŭžo ciapier.
Sistema pracuje nastupnym čynam. Dla pieravodu hrošaj karystalniku treba adkryć dyjałoh z tym, kamu vy adpraŭlajecie pieravod, u mieniu układańniaŭ abrać punkt «Hrošy», uvieści sumu i kamientar, uvieści dadzienyja z kartki i paćvierdzić adpraŭku. Pa słovach stvaralnikaŭ, heta zojmie mienš za chvilinu. Atrymalniku pryjdzie paviedamleńnie ź pieravodam, i jon sam abiare, na jakuju kartu zaličyć srodki.
Adpravić hrošy možna z kartak Mastercard, Maestro i Visa rasijskich bankaŭ, atrymać — na karty Mastercard, Maestro i Visa rasijskich bankaŭ, a taksama na karty Mastercard i Maestro, vypuščanyja ŭ Azierbajdžanie, Armienii, Biełarusi, Hiermanii, Hruzii, Izraili, Italii, Kazachstanie, Łatvii, Litvie, Małdavii, Rumynii, Uźbiekistanie, Francyi, Čechii i Estonii.
Na dadzieny momant nieviadoma, kali servis zapracuje ŭ Biełarusi i ci buduć hrošy kanviertavacca ŭ rasijskija rubli.
Suma dasiažnych pieravodaŭ — ad 100 da 75 000 rasijskich rubloŭ. Kamisija za adpraŭku pieravodu z karty Visa — 1% ad sumy, minimum 40 rubloŭ. Dla trymalnikaŭ kart Mastercard i Maestro da kanca hoda dziejničaje akcyja: pry adpraŭcy pieravodaŭ kamisija nie spahaniajecca.
Kamientary