Dyrektarka Biełsatu Ahnieška Ramašeŭska-Huzy padała zajavu na konkurs novaha staršyni Polskaj hramadzkaj televizii (TVP). Heta dziaržaŭnaja pa formie ŭłasnaści kampanija, u skład jakoj uvachodzić Biełsat.
Usiaho ŭ polskuju Radu nacyjanalnych ŚMI padadziena 20 zajavaŭ. Ramašeŭskuju-Huzy, razam ź ciapierašnim staršyniom TVP Jacakam Kurskim i staršyniom Tavarystva polskich žurnalistaŭ Kšyštafam Skaŭrońskim, nazyvajuć asnoŭnaj kandydatkaj na pasadu staršyni Polskaj televizii.
Vybary novaha staršyni pačnucca 21 vieraśnia. Čalcy Rady nacyjanalnych ŚMI aceniać stratehii raźvićcia TVP na bližejšyja hady, jakija pavinny padrychtavać kandydaty. Na pačatku kastryčnika z kandydatami adbuducca sumoŭi, jakija buduć tranślavacca ŭ žyvym efiry.
Ahnieška Ramašeŭska-Huzy — stvaralnica Biełsatu i jaho dyrektarka ad 2007 hoda. Aprača pracy na Biełsacie vykonvaje funkcyju vice-staršyni Tavarystva polskich žurnalistaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary