Rasija zakručvaje naftavy vientyl: u IV kvartale ŭ Biełaruś pastaviać usiaho 3 młn ton
Rasija ŭ čaćviortym kvartale 2016 hoda pastavić u Biełaruś 3 młn ton nafty. Pra heta tut.by paviedamiŭ pres-sakratar «Tranśniefci» Ihar Dziomin.
«Zaćvierdžany hrafik pastavak nafty ŭ Biełaruś pa sistemie mahistralnych naftapravodaŭ na čaćviorty kvartał praduhledžvaje pastaŭku da 3 młn ton nafty — pa 1,5 młn na kožny z vašych naftapierapracoŭčych zavodaŭ. U trecim kvartale pa hrafiku ŭ Biełaruś budzie pierapampavanyja 3,5 młn ton nafty», — raspavioŭ pradstaŭnik kampanii.
Usiaho ŭ 2016 hodzie Rasija pastavić 18 młn ton nafty, zamiest zapłanavanych 23 ton.
Ihar Dziomin taksama paviedamiŭ, što hrafik i abjomy pastavak na 2017 hod budzie viadomy ŭ kancy hoda. «Choć usiakaje byvaje. Časam pieramovy ź Biełaruśsiu zaciahvajucca, i ŭsio śćviardžajecca ŭ studzieni», — adznačyŭ jon.
Nahadajem, to hazavy kanflikt pamiž Biełaruśsiu i Rasijaj z-za apłaty pačaŭsia ŭ hetym hodzie. Z hazavym pytańniem uviazana i skaračeńnie pastavak nafty ŭ Biełaruś u trecim kvartale 2016 hoda na 2,25 młn ton nafty. Vice-premjer Rasii Arkadź Dvarkovič zajaviŭ, što Rasija z-za niedapłaty za pastaŭki hazu pryniała rašeńnie ab skaračeńni pastavak nafty ŭ Biełaruś. U Minsku z takoj pazicyjaj nie zhodny i prapanujuć nie ŭviazvać hazavyja pytańni z abjomami pastaŭki nafty.
Źnižeńnie abjomaŭ pastavak nafty, pavodle słoŭ premjer-ministra Biełarusi Andreja Kabiakova, užo abyšłosia Biełarusi ŭ 0,2% VUP.
***
Kiraŭnik Biełarusi Alaksandr Łukašenka žorstka prakamientavaŭ paharšeńnie handlova-ekanamičnych adnosin pamiž krainami. «My cielapajemsia (inakš nie skažaš) i ŭžo niekalki miesiacaŭ nie možam damovicca pa canie na haz. U suviazi z hetym Rasija źniziła pastaŭki nafty ŭ Biełaruś. My heta ŭsprymajem jak cisk na Biełaruś, ale cisku ja nie paciarplu, i biełarusy taksama», — zajaviŭ kiraŭnik dziaržavy.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary