Biełaruski Kalehium abjaŭlaje nabor na novy navučalny hod

Što takoje Biełaruski Kalehijum (BK)?

Biełaruski Kalehijum — pieršaja ŭ niezaležnaj Biełarusi płatforma niefarmalnaj adukacyi, zasnavanaja ŭ 1997 hodzie. Vykładčyki BK — viadomyja ŭ Biełarusi i śviecie intelektuały, navukoŭcy, piśmieńniki, žurnalisty, ich kursy bazujucca na apošnich navukovych daśledavańniach, sučasnych mietodykach i praktykach. Prahramy BK nie dublujuć prahramy dziaržaŭnych i niedziaržaŭnych univiersitetaŭ.

Siertyfikat BK nie zamianiaje dypłom ab vyšejšaj adukacyi, adnak navučańnie ŭ Kalehijumie daje ŭnikalnyja viedy i navyki, jakija značna pašyrajuć intelektualnyja i prafiesijnyja haryzonty.

Što prapanuje Biełaruski kalehijum?

BK prapanuje navučańnie pa čatyroch śpiecyjalizacyjach:

— Najnoŭšaja historyja. U miežach dadzienaj prahramy vy zmožacie atrymać viedy pra trahičny i ŭźniosły los Biełarusi ŭ XX stahodździ. Zaniatki viaduć najlepšyja biełaruskija historyki, jakija prezentujuć vyniki svaich apošnich daśledavańniaŭ. Šmat uvahi nadajecca praktyčnym zaniatkam (archiŭnaja i ekskursijnaja praktyka i h.d.).

— Fiłasofija i litaratura. Hety prajekt nie maje anałahaŭ u krainie. Tut fiłasofija ź litaraturaj jadnajucca ŭ adno cełaje. Akcent robicca na tvorčaści, tamu da nas najpierš prychodziać za navukaj tvareńnia vieršaŭ, prozy, fiłasofskich tekstaŭ. Ale my vitajem usich, chto prahnie iściny i pryhažości.

— Jeŭrapiejskaja palityka, hramadstva, kultura. Heta ŭnikalnaja dla Biełarusi adukacyjnaja prahrama, jakaja daje pahłyblenyja viedy pra palityčnyja, ekanamičnyja, sacyjalnyja dy kulturnyja pracesy ŭ Jeŭrapiejskim sajuzie i Uschodniaj Jeŭropie. Kali vy — małady navukoviec ci analityk, prahrama moža stać vydatnym pačatkam vašaj karjery.

— Žurnalistyka: pačatkovy kurs. Hetaja prahrama vučyć adroźnivać prafiesijnyja žurnalisckija pryncypy ad mietadaŭ ahitacyi i prapahandy, prapanuje viedy i praktyku vyrabu miedyja-praduktu, a taksama pahłyblenuju śpiecyjalizacyju ŭ aktualnych nakirunkach miedyja-praktyki.

Jak stać navučencam Kalehijuma?

Da ŭdziełu ŭ konkursie zaprašajucca studenty starejšych kursaŭ abo asoby z vyšejšaj adukacyjaj. U asobnych vypadkach prymajucca studenty małodšych kursaŭ.

Pryjom na navučańnie ažyćciaŭlajecca pa vynikach sumoŭja. Dla zaprašeńnia na sumoŭje treba zapoŭnić ankietu. Dla pastupleńnia na adździaleńnie «Fiłasofija i litaratura» taksama patrabujucca ŭłasnyja teksty (padrabiaźniej hł. tut), na adździaleńnie «Najnoŭšaja historyja» — matyvacyjny list (padrabiaźniej hł. tut). Ich varta adpraŭlać na info@belcollegium.org

Pačatak zaniatkaŭ z kanca kastryčnika 2016 h.

Zajaŭki prymajucca da 17 kastryčnika 2016 h. uklučna

Adkazy na asnoŭnyja pytańni, źviazanyja z pastupleńniem i navučańniem, možna pahladzieć tut.

Dadatkovuju infarmacyju možna atrymać praz info@belcollegium.org, facebook.com/belcollegium

• 0
• 0
• 0
• 0
• 0
• 0
• 0
• 0