AFP
Aktyvist isłamisckaj hrupoŭki «Ansar Dajn» Achmad Machdzi asudžany sudom u Haazie da dzieviaci hadoŭ turmy za razbureńnie pomnikaŭ architektury, raźmieščanych u Tymbuktu — staražytnym horadzie ŭ centry Mali.
Mižnarodny kryminalny sud u Haazie ŭpieršyniu ŭ historyi słuchaŭ spravu pra źniščeńnie kulturnych kaštoŭnaściaŭ.
Jak było ŭstanoŭlena ŭ sudzie, Machdzi uznačalvaŭ atrad isłamistaŭ, jakija ŭ 2012 hodzie razburyli histaryčnyja budynki miačeciaŭ u Tymbuktu. Radykalnyja isłamisty ličać miačeci prajavaj idałapakłonstva.
Padsudny pryznaŭ vinu i skazaŭ, što škaduje pra svaje dziejańni. Jamu pahražała da 30 hadoŭ turemnaha źniavoleńnia.
Raniej sud u Haazie vypisaŭ order na aryšt Machdzi, i ŭrad Nihiera vydaŭ isłamistaŭ.
***
Isłamisckaja hrupoŭka «Ansar Dajn», u jakuju ŭvachodziać u asnoŭnym tuarehi, padtrymlivaje ciesnyja suviazi z «Al-Kaidaj».
Bolšaść budynkaŭ u Tymbuktu hlinabitnyja i pabudavany ŭ sachielskim styli. Najbolš bujnyja budynki — miačeci (Sabornaja miačeć Džynhierebier, Miedrese Sankare i Miačeć Siadzi Jachja).
1 krasavika 2012 h u chodzie čarhovaha paŭstańnia tuarehaŭ horad byŭ zachopleny, a 6 krasavika staŭ stalicaj samaabvieščanaj «Niezaležnaj Dziaržavy Azavad».
Tady ž na siesii Kamiteta Suśvietnaj spadčyny JUNIESKA Tymbuktu byŭ uniesieny ŭ śpis Suśvietnaj spadčyny jak abjekt, jaki znachodzicca pad pahrozaj źniščeńnia.
U chodzie antyterarystyčnaj apieracyi, jakaja pačałasia ŭ studzieni 2013 hoda, paŭstancy pakinuli horad biez boju, adnak pry adstupleńni spalili budynak histaryčnaha daśledčaha centra Achmied Baba, uklučajučy biblijateku. U joj zachoŭvalisia da 100 tysiač arabskich i staražytnahrečaskich rukapisaŭ, jakija ŭvachodziać u śpis Suśvietnaj spadčyny. Kaštoŭnyja dakumienty ŭdałosia vyratavać.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)