Na stancyi Chobakien u Ńju-Džersi (ZŠA) ciahnik urezaŭsia ŭ płatformu padčas ranišniaj hadziny pik u čaćvier. Pradstaŭnica transpartnaha viedamstva ŭ Ńju-Džersi paviedamiła, što paranienyja bolš za 100 čałaviek.
Reuters
Mnohija ź ich, pa jaje słovach, znachodziacca ŭ krytyčnym stanie.
Amierykanskija ŚMI paviedamlajuć pra troch zahinułych, paćvierdžańnia hetamu pakul niama.
Na fotazdymkach ź miesca padziej vidać, što čyhunačny sastaŭ mocna paškodžany, jak i sam budynak stancyi. Miarkujučy pa paviedamleńniach vidavočcaŭ, ciahnik nie spyniŭsia la bufiernaha stopara, a praciahnuŭ ruch, prataraniŭšy zału čakańnia. U vyniku pavaliłasia častka dachu nad im.
U dadzieny momant čyhunačny ruch na stancyi całkam prypynieny.
Getty
Stancyja Chobakien znachodzicca prykładna ŭ 11 km ad horada Ńju-Jork — nasielenyja punkty raździalaje raka Hudzon. Stancyja źjaŭlajecca kančatkovym punktam niekalkich čyhunačnych linij i važnym pierasadačnym punktam na šlachu na Mancheten.
Jak raspavioŭ śviedka taho, što adbyłosia, ciahnik całkam syšoŭ z rejek.
«Ja nie byŭ na hetym ciahniku, ale ja pryjechaŭ amal adrazu ž, paśla taho jak heta zdaryłasia. Z dachu liłasia vada, a ludzi vyłazili z voknaŭ», — raspavioŭ Ben Ferkłaf. «Było mnostva paciarpiełych», — dadaŭ jon.
