Mienavita ŭ hety dzień u horadzie Chełm na ŭschodzie Polščy 150 hadoŭ tamu naradziŭsia baćka ŭkrainskaj histaryjahrafii, adzin ź lidaraŭ nacyjanalnaha adradžeńnia Ukrainy 2-j pałovy XIX — pieršaj traciny XX stst. Z hetaj nahody ambasada Ukrainy ŭ Biełarusi praviała śviatočnuju imprezu, kudy zaprasiła dypłamataŭ, daśledčykaŭ ukrainska-biełaruskich suviaziaŭ, mastakoŭ, žurnalistaŭ, dziejačaŭ kultury. Admysłova da viečaryny supracoŭniki Nacyjanalnaj biblijateki Biełarusi padrychtavali vystavu knih Michajły Hrušeŭskaha, u tym liku vielmi redkich pryžyćciovych vydańniaŭ, jakija zachoŭvajucca ŭ hałoŭnym schoviščy krainy.
Pierad hledačami vystupili Časovy pavierany Ukrainy ŭ spravach Respubliki Biełaruś Valery Džyhun i były šmathadovy pasoł Biełarusi va Ukrainie Valancin Vialička.
kandydat histaryčnych navuk, dacent BDU Viktar Kachnovič raspavioŭ pra žyćciovy šlach, palityčnuju i navukovuju karjeru Michajły Hrušeŭskaha, jaki ŭznačalvaŭ Centralnuju Radu Ukrainskaj Narodnaj Respubliki ŭ 1917—1918 hh.
Pra niadaŭnija archiŭnyja znachodki, jakija śviedčać ab supracoŭnictvie Hrušeŭskaha z uradam BNR i biełaruskaj hramadoj u Kijevie, paviedamiŭ kandydat histaryčnych navuk, supracoŭnik Instytuta historyi NAN Biełarusi Valancin Maziec.
Publika ciopła prymała ansambl ukrainskaha choru «Krynica» (kiraŭnik Marharyta Kučuk), jaki vykanaŭ niekalki piesień, u tym liku na vieršy Ivana Franka, jaki siabravaŭ ź Michajłam Hrušaŭskim.
Nacyjanalnaja biblijateka Biełarusi padrychtavała vystavu knih da 150-hodździa Michajły Hrušeŭskaha. Fota pres-słužby Sajuza biełaruskich piśmieńnikaŭ.
Časovy pavierany ŭ spravach Ukrainy ŭ Respublicy Biełaruś Valery Džyhun. Fota pres-słužby Sajuza biełaruskich piśmieńnikaŭ.
Eks-pasoł Biełarusi va Ukrainie Valancin Vialička. Fota pres-słužby Sajuza biełaruskich piśmieńnikaŭ.
Ansambl ukrainskaha choru «Krynica» (kiraŭnik Marharyta Kučuk). Fota pres-słužby Sajuza biełaruskich piśmieńnikaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)