Vice-premjer RF Arkadź Dvarkovič paviedamiŭ, što pieramovy pa canie na haz ź Biełaruśsiu projduć u pačatku nastupnaha tydnia.
Pavodle jaho słoŭ, pra źnižku havorka nie idzie. «Idzie pošuk prymalnych rašeńniaŭ. Ab źnižcy nie idzie havorka», — adznačyŭ Dvarkovič.
20 vieraśnia Alaksandr Łukašenka raskrytykavaŭ Rasiju za niehatoŭnaść źnizić canu na haz.
«My cielapajemsia, užo niekalki miesiacaŭ nie možam damovicca pa canie na haz. U suviazi z hetym Rasija źniziła pastaŭki nafty ŭ Biełaruś», — paviedamiŭ kiraŭnik dziaržavy. «My heta ŭsprymajem jak cisk na Biełaruś, ale cisku ja nie paciarplu, i biełarusy taksama», - dadaŭ Łukašenka.
11 vieraśnia Łukašenka zajaviŭ, što Rasija i Biełaruś blizkija da damoŭlenaści ab canie na haz. «Praktyčna damovilisia, stvaryli niejkija dakumienty», - paviedamiŭ jon tady, udakładniŭšy, što «rasijski bok, mabyć, prapanuje niejkija svaje varyjanty».
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary