Pałata pradstaŭnikoŭ pryniała ŭ druhim čytańni zakonaprajekt ab źmianieńniach i dapaŭnieńniach u niekatoryja zakony pa pytańniach reklamy. Siarod inšaha, uvodzicca zabarona na rekłamu pasłuh sieksualnaha charaktaru i abmiažoŭvajecca reklama alkaholu.
Jak paviedamiła namieśnik staršyni kamisii pa žyllovaj palitycy, budaŭnictvie, handli i pryvatyzacyi Hanna Burava, zakonaprajekt skiravany na pryviadzieńnie biełaruskaha zakanadaŭstva ŭ adpaviednaść z zakonam «Ab rekłamie». U pryvatnaści, zaznačyła jana, u zakon upieršyniu ŭviedzieny abmiežavańni i zabarony ŭ dačynieńni da rekłamy słabaałkaholnych napoŭja i piva. Aprača taho, praduhledžana poŭnaja zabarona rekłamy tytuniovych vyrabaŭ z 1 studzienia 2008 hoda.
«U hetaj suviazi ŭ zakonaprajekcie prapanoŭvajecca vykłaści ŭ novaj redakcyi nazvu i punkty 1—3 artykuła 12.26 Kodeksa ab administracyjnych pravaparušeńniach, što praduhledžvajuć adkaznaść za parušeńnie patrabavańniaŭ da rekłamy ałkaholnych napojaŭ i tytuniovych vyrabaŭ», — skazała H.Burava.
U zakonaprajekt taksama ŭklučana norma ab uniasieńni dapaŭnieńnia ŭ artykuł 10 zakona ab rekłamie. Jana ŭvodzić zabaronu na rekłamu rabot i pasłuh hipnatyzioraŭ, ekstrasensaŭ, varažbitak, astrołahaŭ, čaraŭnikoŭ i inšych asobaŭ, jakija abjaŭlajuć siabie abo jakija ličać siabie zdolnymi pradkazvać padziei, uździejničać na ludziej, duchoŭny śviet šlacham vykarystańnia zvyšpryrodnych zdolnaściej.
Pavodle słoŭ A.Buravaj, zabaraniajecca rekłama psichałahičnaj dapamohi, aprača tych vypadkaŭ, kali takaja dapamoha akazvajecca dziaržaŭnymi orhanami, dziaržaŭnymi arhanizacyjami, a taksama biaspłatna inšymi arhanizacyjami na zakonnych padstavach.
«Aprača taho, uvodzicca zabarona na rekłamu pasłuh sieksualnaha charaktaru, u tym liku pad vyhladam psichałahičnaj dapamohi, razmovy, rełaksacyi, masažu, pryjemnaha baŭleńnia času», — skazała H.Burava.
Jana taksama zaznačyła, što zakonaprajekt praduhledžvaje dazvoł na vykarystańnie vobrazaŭ ludziej i žyvioł u zarehistravanych tavarnych znakach, jakija vykarystoŭvajucca dla abaznačeńnia ałkaholnych napojaŭ i piva, kali hetyja tavarnyja znaki zarehistravany da taho, jak nabyŭ moc zakon ab rekłamie.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary