Pałova ź ich nia viedaje, što cenzura ŭ Rasiei zabaronienaja zakonam.
Pałova ź ich nia viedaje, što cenzura ŭ Rasiei zabaronienaja zakonam.
Usierasiejski centar vyvučeńnia hramadzkaj dumki zładziŭ čarhovaje apytańnie, kab vyśvietlić, ci patrebnaja, na dumku rasiejcaŭ, dziaržaŭnaja cenzura dla ajčynnych ŚMI, ci sutykajecca rasiejskaja presa z cenzuraj siońnia i ci viedajuć hramadzianie RF, što cenzura ŭ ichniaj krainie zabaronienaja zakonam.
Toje, što dziaržaŭnaja cenzura rasiejskim ŚMI patrebnaja, ličyć 58% apytanych, pałova ź jakich u hetym absalutna ŭpeŭnienyja. Suprać vykazvajecca kožny čaćviorty — 24%, kateharyčna — tolki 8%, a kožny piaty nia vyznačyŭsia z adkazam.
U svajoj upeŭnienaści ŭ nieabchodnaści cenzury rasiejcy adzinadušnyja nie zvažajučy na ŭzrost: «tak» cenzury kažuć kožny druhi maładzion i dźvie trecija apytanych, kamu siońnia 60 hod i bolej. Suprać cenzury vystupaje kožny treci małady čałaviek (32%) i tolki 13% pensijaneraŭ.
Kala 40% rasiejcaŭ bačać cenzuru, jak vyratavańnie ad praźmiernaha hvałtu i razbeščanaści ŭ ŚMI, 22% prytrymlivajucca dumki, što dziaržrehulavańnie dazvolić prybrać z presy paklop i dezynfarmacyju, 11% miarkujuć, što cenzura dapamoža paźbiehnuć hłupstva i dazvolić z dapamohaj ŚMI padvysić kulturu i adukacyju hramadzianaŭ. A 3% apytanych spadziajucca na źniknieńnie z presy reklamy.
Praciŭniki cenzury kažuć, što jana piarečyć pravam čałavieka i pryncypam demakratyi, nie dazvalaje infarmacyi być praŭdzivaj i svoječasovaj, supiarečyć kanstytucyi i viartaje hramadztva ŭ savieckija časy.
Kožny treci miarkuje, što siońnia cenzury ŭ rasiejskich ŚMI niama, a siarod žycharoŭ Maskvy i Sankt-Pieciarburha takich navat bolš. 8% respandentaŭ kažuć, što presa zaznaje ŭcisk. Rešta ŭkazvała na častkovuju i niehałosnuju cenzuru.
Tolki 35% apytanych viedajuć, što cenzura zabaronienaja Kanstytucyjaj RF (p.5, art.29). Pry hetym 51% pra heta nia viedaje. Siarod tych, chto ŭ kursie, pieravahajuć bahaciejšyja hramadzianie Rasiei – 47%. Ź ich 51% vystupaje za zabaronu cenzury. Z 26% małazabiaśpiečanych rasiejcaŭ prychilnikami svabody presy źjaŭlajucca 32%.
Apytańnie było zładžanaje 31 traŭnia —1 červienia 2008 h. Byli apytanyja 1600 čałaviek u 153 nasielenych punktach u 46 abłaściach, krajach i respublikach Rasiei.
Kamientary