Uładzimir Makiej zakončyŭ svoj aficyjny vizit u Varšavu, dzie sustrakaŭsia z polskimi ŭładami. Adnym z vynikaŭ pieramovaŭ stała pieradača Polščy infarmacyi z archivaŭ adnosna palakaŭ, jakaja dahetul była nieviadomaj.
Pra pieradaču archiŭnych źviestak paviedamiŭ na bryfinhu ministr zamiežnych spraŭ Polščy Vitald Vaščykoŭski:
— Spadar ministr pryvioz važnyja źviestki, znojdzienyja ŭ biełaruskich archivach i datyčnyja losu šmatlikich palakaŭ. Hetaja infarmacyja budzie pieradadziena ŭ adpaviednyja ŭstanovy Polščy, kab jany pačali daśledavańni. Mahčyma, nieŭzabavie vy taksama atrymajecie infarmacyju adnosna tych važnych adkryćciaŭ, pra jakija my daviedalisia.
U svaju čarhu Uładzimir Makiej padziakavaŭ Polščy za ciopły pryjom i adznačyŭ, što ciešycca raźvićciom polska-biełaruskich miždziaržaŭnych dačynieńniaŭ:
— Pa niekatorych nakirunkach u nas zachoŭvajucca roznyja punkty hledžańnia, ale, što tyčycca dvuchbakovych adnosin, dyk tut u nas niama nijakich prablem. Ja ŭpeŭnieny, što ŭ ciapierašni čas Biełaruś i Polšča pieražyvajuć histaryčny momant pierachodu ŭ novuju fazu dvuchbakovych adnosin, dzie bolš nie budzie miesca niedavieru, kanfrantacyi, intryham, sastarełym stereatypam i niejkim ideałahičnym zababonam.
Taksama padčas bryfinhu byŭ anansavany vizit u Miensk vice-prem′iera Polščy Matevuša Maravieckaha, jaki maje adbycca praz dva tydni.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary