Krainy Zachadu sprabujuć abvastryć situacyju vakoł Siryi i «raskrucić antyrasijskuju isteryku», upeŭnieny prezident Rasii Uładzimir Pucin. ZŠA i ich sajuźniki, na dumku rasijskaha prezidenta, vystaŭlajuć suprać Rasii «ahulnyja abvinavačvańni».
Prykładam takich abvinavačvańniaŭ mohuć słužyć zajavy ZŠA pra toje, što mienavita Rasija naniesła ŭdary pa humanitarnym kanvoi ŭ Siryi. Pry hetym, na dumku Pucina, ZŠA viadoma, chto na samaj spravie nanios udary pa kanvoi.
«Heta adna z terarystyčnych arhanizacyj. I my viedajem, što amierykancy pra heta viedajuć, ale zajmajuć inšuju pazicyju i vystaŭlajuć ahulnyja abvinavačvańni ŭ adras Rasii. Heta spravie nie dapamoža», — zajaviŭ prezident.
Jašče adnym prykładam padobnaha staŭleńnia, na dumku Pucina, źjaŭlajecca rezalucyja AAN pa Siryi, na jakuju Rasija nakłała vieta. Rezalucyja była padrychtavanaja Francyjaj.
«Ukinuli hetuju rezalucyju Rady Biaśpieki, vidavočna čakajučy našaha vieta, — skazaŭ jon. — Nie dla taho, kab rezalucyja prajšła, jaje ŭkinuli, viedajučy našu pazicyju i nie abmiarkoŭvajučy z nami našy prapanovy, a kab atrymać heta vieta. A navošta? Kab abvastryć situacyju i raskrucić antyrasijskuju isteryku ŭ padkantrolnych ŚMI».
Rasija, pavodle słoŭ Pucina, hatovaja pracavać z ZŠA, Francyjaj i inšymi partniorami pa Siryi. Ale dla hetaha nieabchodny dyjałoh, da jakoha, na dumku Pucina, nie hatovyja ZŠA.
Kamientary