Dniami dyrektaram respublikanskaha ŭnitarnaha pradpryjemstva «Hatel Minsk» była pryznačanaja Nazhul Tałamušova. Za hetym proźviščam chavajecca žonka byłoha prezidenta Kyrhyzstana Kurmanbieka Bakijeva, jaki niekalki hadoŭ tamu atabaryŭsia ŭ Biełarusi.
RUP «Hatel Minsk» źjaŭlajecca adnym z klučavych aktyvaŭ u struktury Kiraŭnictva spravami prezidenta Biełarusi.
Tut.by datelefanavaŭsia da Nazhul Tałamušovaj. Ale, vysłuchaŭšy pytańni, jana skazała, što nie moža razmaŭlać. Paprasiła pieratelefanavać paźniej. U vyniku kamientar atrymać nie ŭdałosia.
Bakijeŭ z 2010 hoda źjaŭlajecca hramadzianinam Biełarusi, jon ličyć niemahčymaj svaju ekstradycyju ŭ Biškiek, jak patrabuje ciapierašniaja ŭłada Kyrhyzstana.
Pa słovach Tałamušovaj, jany razam z Bakijevym žyvuć z 1995 hoda. «Moj budučy muž spadabaŭsia mnie ź pieršaha pohladu, — raspaviadała jana ŭ 2011 hodzie intervju haziecie «Ajat». — Nam ź im vypała razam vyprabavać i słodyč, i horyč žyćcia, my ź im žyviem adzinaj siamjoj».
Žonka Bakijeva skazała, što palubiła Biełaruś, ale nie ź pieršaha pohladu. «Biełaruś nam spadabałasia, — kazała Nazhul Muratbiekaŭna. — Ludzi tut prostyja, dobryja, z šyrokaj dušoj. Raz tak skłalisia abstaviny, abvykaješ. Pakul narod pravilna nie zrazumieje i nie daviedajecca pra nievinavataść Kurmanbieka Salijeviča, nam lepš zastavacca tut. Viadoma, na radzimie i ziamla — zołata, ale pakul u nas niama dumak viarnucca ŭ Kyrhyzstan».
Ź pieršaj žonkaj Bakijeva Tałamušova daŭno znajomaja i «pavažaje jak žančynu i maci».
Cikava, što namieśnikam dyrektara «Hatela Minsk» źjaŭlajecca były pamočnik Łukašenki i viadomy deputat Viktar Kučynski.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany9
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary