Hurt ili-ili pradstaŭlaje na Tuzin.fm pieśniu «Apošni zonh», admysłova napisanuju da spektakla «Matuchna Kuraž i jaje dzieci» Teatra Č.
Stvareńnie saŭndtreka da spektakla «Matuchna Kuraž i jaje dzieci» muzyki z ili-ili — sami, miž inšym, aktory kupałaŭskaha teatru — nazyvajuć adnoj z samych značnych pracaŭ. Heta adziny aŭtarski tvor u słavutaj pjesie niamieckaha dramaturha. «Pa zapaviecie Bertalda Brechta ŭsie zonhi, što jość u hetaj pjesie, pavinny hučać na jaho muzyku, ale spadkajemcy aŭtara dali nam dazvoł na stvareńnie svajoj, aryhinalnaj. I my vykonvajem hetuju muzyku žyŭcom padčas spektakla, što dla Biełarusi davoli redkaja źjava», — kaža Źmicier Jesianievič.
Udzielnik ili-ili Michaś Zuj kaža, što hetuju kampazycyju im prapanavaŭ napisać režyser pastanoŭki Michaił Łašycki: «Pieśnia musiła pieradavać sens spektaklu. Na žal, temy, jakija tut uzdymajucca, nadzvyčaj aktualnyja i siońnia, praz amal 80 hod paśla napisańnia pjesy. Vajna pobač i jana klikaje ludziej za saboju».
U zapisie «Apošniaha zonu» taksama brali ŭdzieł Eryk Arłoŭ-Šymkus (kantrabas) i Michaił Jeśman (truba). Zapisaŭ pieśniu hukarežyser Vital Kuleŭski, a vokładka da jaje naležyć aŭtarstvu Michaiła Łašyckaha.
Spektakl «Matuchna Kuraž i jaje dzieci» možna pabačyć 21 listapada na vialikaj scenie k/z «Minsk», a 26 listapada ili-ili daje solny kancert u pab-klubie «Hraffici».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)