Kancler Hiermanii Anhieła Mierkiel maje namier pierakanać krainy Jeŭrasajuza vystupić za ŭzmacnieńnie žorstkaści sankcyj u dačynieńni da Rasii z-za situacyi ŭ Siryi. Pra heta paviedamlaje niamieckaja hazieta Frankfurter Allgemeine Sonntagszeitung sa spasyłkaj na krynicy z atačeńnia Mierkiel.
Sankcyi buduć abmiarkoŭvacca na samicie Jeŭrasajuza 20 ci 21 kastryčnika, adznačaje hazieta. Krynica haziety paviedamiła, što Mierkiel budzie ciažka pierakanać sacyjał-demakrataŭ — palityčnych partnioraŭ Mierkiel u Hiermanii — i inšyja krainy ES u nieabchodnaści zrabić sankcyi bolš žorstkimi. Adnak «niezadavolenaść Rasijaj uzrasła», adznačyła krynica.
Pryčynaj dla niezadavolenaści pasłužyli abvinavačvańni ŭ datyčnaści Rasii da napadaŭ na humanitarny kanvoj u Siryi i bambiožkach ŭ Alepa.
U razmovie ź Mierkiel prezident ZŠA Barak Abama paviedamiŭ, što padtrymaje «žorstki adkaz», kali Jeŭrasajuz pahodzicca na heta. Pavodle dadzienych krynicy haziety, kali sankcyi ŭ dačynieńni da Rasii buduć bolš žorstkimi, jany zakranuć avijacyjnuju śfieru i rasijskaje ministerstva abarony.
19 vieraśnia siryjskija aktyvisty paviedamili pra avijaŭdary, naniesienyja pa humanitarnym kanvoi i pa ofisie Čyrvonaha paŭmiesiaca ŭ horadzie Orm al-Kubra ŭ vakolicach Alepa. Pa ich słovach, udar byŭ naniesieny rasijskaj i siryjskaj avijacyjaj. Paciarpieli 18 hruzavikoŭ z 31, i zahinuli nie mienš za 20 čałaviek.
Minabarony Rasii zajaviła ab niedatyčnaści rasijskaj avijacyi da ŭdaru pa humanitarnym kanvoi ŭ Alepa. ZŠA i siryjskija apazicyjnyja hrupoŭki abvinavacili ŭ atacy mienavita Rasiju.
Publikujecca ŭ miežach śpiecyjalnaj rubryki «Naviny Hiermanii»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)