38-hadovy žychar Bresta byŭ zatrymany ŭ abmiennym punkcie adnaho z bankaŭ 15 kastryčnika. Dla abmienu jon pradjaviŭ kasiru kupiuru vartaściu 100 dalaraŭ ZŠA z prykmietami padrobki.
«Hrašovy znak byŭ vyrableny sposabam płoskaha afsietnaha druku», — patłumačyli ŭ milicyi.
Mužčyna raspavioŭ, što 100-dalaravuju kupiuru jon atrymaŭ ad svajho baćki. 67-hadovy piensijanier nabyŭ jaje 23 vieraśnia ŭ adnym z abmiennych punktaŭ u horadzie Varaš Roŭnienskaj vobłaści va Ukrainie.
I baćka, i syn zapeŭnivajuć: pra toje, što kupiura padroblenaja, abodva nie viedali. Pa miescy ich žycharstva byli praviedzienyja pieratrusy, ničoha nie kanfiskavana.
Uzbudžanaja kryminalnaja sprava pa č.1 art.221 (vyrab, zachoŭvańnie abo zbyt padrobnych hrošaj ci kaštoŭnych papier) KK Biełarusi. Maksimalnyja sankcyi pa hetym artykule praduhledžvajuć pakarańnie da siami hadoŭ pazbaŭleńnia voli z kanfiskacyjaj abo biez kanfiskacyi majomaści.
