Hienpłan Minska: pradpryjemstvy prapanujuć pieranieści z centra ŭ harady-spadarožniki
Hienieralny płan Minska praduhledžvaje mahčymaść vynasu pradpryjemstvaŭ za miežy horada, u tym liku ŭ harady-spadarožniki. Pra heta paviedamiŭ žurnalistam hałoŭny architektar UP «Minskhrada» Alaksandr Akienćjeŭ.
Nieabchodnaść vynasu vytvorčaściej z centra zamacavanaja nie tolki ŭ ciapierašniaj redakcyi hałoŭnaha horadabudaŭničaha dakumienta, ale i ŭ redakcyjach 2003 i 2010 hadoŭ.
«Vynas vytvorčaściej razhladajecca ŭ kantekście dziaržaŭnaj zadačy. My skłali śpis pradpryjemstvaŭ, jakija ličym niedarečnymi dla horada. Jany pavinny znajści novyja placoŭki», — adznačyŭ Alaksandr Akienćjeŭ.
Razam z tym, u adroźnieńnie ad papiarednich dakumientaŭ, pa novaj formule, uzhodnienaj ź Minpramam i Minekanomiki, u niadaŭna zaćvierdžanym hienpłanie kankretny pieralik nie paznačany. Paznačanaja patencyjnaja mahčymaść pieradysłakacyi niekatorych abjektaŭ. Vynas budzie vykonvacca na padstavie technika-ekanamičnych abhruntavańniaŭ u adpaviednaści ź dziejnym zakanadaŭstvam.
«Vidavočna, i zakanadaŭstva budzie mianiacca piermanientna. Pa kožnym pradpryjemstvie treba rabić raźliki, bo za hetym stajać kankretnyja ekanamičnyja pakazčyki, pracoŭnyja miescy. A placoŭki, jak praviła, vybirajucca na alternatyŭnaj asnovie. Kali ŭčastki haradoŭ-spadarožnikaŭ buduć adkazvać patrabavańniam, to vytvorčaści pieramieściacca tudy», — adznačyŭ Alaksandr Akienćjeŭ.
Pavodle jaho słoŭ, horadabudaŭničaja kaštoŭnaść centralnaj častki Minska na dva paradki vyšejšaja za pieryfieryjnyja rajony, što nie dazvalaje hetuju terytoryju vykarystoŭvać nieefiektyŭna. Va ŭsich krainach śvietu pradpryjemstvy sami sychodziać z centra, pakolki im vystaŭlajucca vysokija patrabavańni pa pakazčykach šumu, vibracyi, stanie pavietra. Mnohija minskija pradpryjemstvy majuć płany pa vychadzie na inšyja placoŭki, častka ich užo realizavanaja.
Ciapier čytajuć
U jakim miesiacy biełarusy pamirajuć čaściej za ŭsio?1
Kamientary