Spuščalny aparat «Skijapareli» raźbiŭsia ŭ vyniku sproby sieści na Mars, paviedamlaje Jeŭrapiejskaje kaśmičnaje ahienctva.
Pavodle dadzienych ahienctva, strata zonda paćviardžajecca zdymkami, zroblenymi z arbity płaniety amierykanskimi štučnymi spadarožnikami.
Zhodna ź JEKA, zond upaŭ na pavierchniu Marsa z vyšyni ad dvuch da čatyroch kiłamietraŭ i raźbiŭsia. Da atrymańnia zdymkaŭ u navukoŭcaŭ zastavałasia nadzieja, što zond acaleŭ.
Zond «Skijapareli» pavinien byŭ spuścicca na Mars 19 kastryčnika, adnak jaho pasadka pajšła nie pa płanie. Paviedamlałasia, što zond zanadta rana adstreliŭ zapasny parašut, a taksama niedastatkova doŭha vykarystaŭ tarmaznyja ruchaviki.
Prykładna za 50 siekund da momantu, kali zond pavinien byŭ dakranucca pavierchni, jon pierastaŭ pieradavać sihnał. Niekatoryja navukoŭcy adrazu rascanili heta jak prykmietu taho, što zond raźbiŭsia.
JEKA da ciapierašniaha času nie pryznavała pasadku niaŭdałaj.
Aparat masaj u 600 kh, vyrableny ŭ asnoŭnym u Italii, u vypadku ŭdałaj pasadki pavinien byŭ zaniacca mietearałahičnymi daśledavańniami. Jaho batarej chapiła b na čatyry dni pracy.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary